O'yin haqida
- O'yin oson bo'lmadi. Juda qiynaldik. Birinchi bo'limda xatolarimiz sabab ikkita gol o'tkazdik. Muvozanatni tiklash juda qiyin bo'ldi. Yigitlarga rahmat. Bu biz uchun g'alaba bo'ldi. SHogirdlar bugun bayramga sovg'a tashkil qilib berishdi.
- Begimqulov birinchi bo'limda almashtirildi. Bunga sabab nima bo'ldi?
- Murabbiylarim Begimqulov o'ziga yuklatilgan vazifani bajarmayotganini payqashdi. SHu sabab ham uni almashtirdik. Uning o'rniga tushgan 10 raqamli futbolchi esa o'ziga yuklatilgan topshiriqni uddalashga harakat qildi.
- Otabek Mo'minov oxirgi daqiqalarda hujumga o'tdi. Zaxirada uni o'rnini bosadigan futbolchi yo'qmi?
- Zaxirada o'yinchilar bor. Uning uchun bitta o'yinchimizni zaxiraga oladigan bo'lib qolyapmiz. Bu holatda o'yin sxemamiz buzilib ketyapti. Buni ko'p o'yinda ko'rdik. SHuning uchun ikkinchi bo'limda Otabekni oldinda o'ynatyapmiz.
- Jamoaning moliyaviy holati qanday?
- Moliyaviy yaxshi holatdamiz. Hammasi vaqtida. Bu borada hech qanday etiroz yo'q.
- Moliyaviy holat yaxshi deyapsiz, ammo jamoa deyarli Pro ligani tark etdi...
- Oxirigacha kurashamiz. Imkoniyatimiz bor hali.
- Jamoa Pro ligani tark etadigan bo'lsa, Birinchi ligada harakat qiladimi yoki jamoa tarqab ketadimi?
- Rahbariyatning so'zlariga qaraganda, jamoa faoliyati davom etadi va yana Pro ligaga qaytishga harakat qilamiz. Jamoa yosh, bulardan har xil o'yin kutyapmiz. Psixologik tomondan hamma o'yinga ularni tayyorlayapmiz.
Bosh sahifaga
260