"Al Hilol", "Al Ittifoq" nomlar allaqachon tanish bo'lib ulgurgan. "Al Fayha" esa bu borada yangi raqib. "SHerlar"ning bugungi raqibi haqida quyida fikr yuritamiz.
 Al-Fayha | AFC Champions League Grp. A . 2-tur 03/10/2023, 21:00 - : - Boshlanmadi |  Pakhtakor Tashkent |
Jamoani serbiyalik Vuk Rasovich boshqarmoqda. Mutaxassis arab futboli uchun begona hisoblanmaydi. Bu klubga kelishidan avval "Al Vahda", "Al Dafra", "Al Faysaliy" jamoalarini boshqargan. Uning qo'l ostida "Al Fayha" Qirol kubogini qo'lga kiritdi.
"Al Fayha" uy uchrashuvlarini Ar-Riyoddagi "SHahzoda Faysal Bin Fahad" stadionida o'tkazadi.
So'nggi o'yini
Jamoa Saudiya Arabistoni Pro ligasining 8-turida "Al Ittihod"ni qabul qildi va 0:0 hisobida durangga imzo chekdi. Mazkur uchrashuvni germaniyalik hakam Bastian Dankert boshqardi.
"Al Fayha" - "Al Ittihod" 0:0
Hakam: Bastian Dankert
Jamoa o'z safiga kimoarni qo'shib oldi?
Transferlar oynasidan boshqalar singari top yulduzlarni o'z safiga qo'shib oldi, deyish qiyin. Lekin shunga qaramay sifatli futbolchilarni oldi. Deylik "Reynjers"dan jalb qilingan zambiyalik Fashion Sakala Saudiya Pro ligasida 8ta o'yinda 4ta gol urdi. "Adana Demirspor"dan nigeriyalik Genri CHukvumeka "Everton", "Monako", "Galatasaray" jamoalarida to'p tepgan. "Fiorentina"dan marokashlik Abdelhamid Sabiri hujumkor yarim himoyachi. Belgiya chempionati vakili "Standart"dan bosniyalik Goyko Cimirot barcha uchrashuvlarda 90 daqiqa harakat qilmoqda. Darvozabon sifatida esa "Sporting", "Nottingem Forest", "Partizan" jamoalari sharafini himoya qilgan Vladimir Stoykovich harakat qilmoqda.
Yangi futbolchilar
Ahmad Al Kassar ("Al Faysaliy"
Abdulrauf Al Duqayl ("Xajer")
Yusuf Haqavi ("Al Nassr")
Gislan Konan ("Al Nassr")
Metaab Al Haldi ("Al Qodisiya")
Rakan Al Kaabi ("Al Ittifoq")
Abdulrahmon Al Anazi ("Al Oruba")
Goyko Cimirot ("Standart")
Navaf Al Harti ("Al Ain")
Abdelhamid Sabiri ("Fiorentina")
Genri CHukvumeka ("Adana Demirspor")
Fashion Sakala ("Reynjers")
Transfermarkt portaliga ko'ra "Al Fayha"ning bugungi kundagi tarkibi 30,30 million evroga baholangan
Saudiya Arabistoni klublariga qarshi Osiyo klublar musobaqalarida jamoa 29 bahsda maydonga tushgan. ("Al Hilol" bilan 2020 yilgi natijasi bekor qilingan bahslar kiritilgan). Ularda 6 g'alaba, 6 durang va 17 mag'lubiyat kuzatilgan. Raqiblar darvozalari 26 bor ishg'ol qilinib, 56 marta to'p o'tkazib yuborilgan. Jami 7 raqibga qarshi to'qnashuvlar kuzatilgan. "Paxtakor" o'zbek klublari orasida Saudiya Arabistonida zafar quchgan yagona jamoa sanaladi.
"Al Ahli" - 2:1, 0:3, 1:0, 1:2
"Al Ittifoq" - 2:1, 1:0, 0:2
"Al Ittihod" - 0:3, 0:1, 1:1, 0:4, 0:4, 1:2
"Al Nascr" - 2:2, 0:4
"Al Hilol" - 0:2, 0:2, 1:1, 0:2, 2:2, 1:4, 1:2, 0:0
"Al SHabab" - 1:3, 1:2, 2:2, 0:2
"Al Taavun" - 1:0, 5:4
OCHLni muvaffaqiyatsiz boshlagan ikki jamoa qarama-qarshiligi
Ilk turda Turkmanistonga kelgan "Al Fayha" ortga 0:1 hisobidagi mag'lubiyat bilan qaytdi. "Navbahor", "Andijon" jamoalari libosida to'p tepgan Elman Tagaev tomonidan urilgan yagona gol mezbonlarga 3 ochko keltirdi. "Paxtakor" esa o'z maydonida "Al Ain"ga yirik hisobda mag'lub bo'ldi (0:3). Ayni paytda amirliklar guruhda peshqadam bo'lib turibdi. "Ahal" ikkinchi o'rinda
Bosh sahifaga
441