- Oson bo'lmadi. Ayrim futbolchilarning salomatligi sababli bu bahsga bir qancha muammolar bilan etib keldik. SHu sababli bugun futbolchilarning o'yinga o'zlarini baxsh qila olishi, xarakteri kabi hususiyatlarga tayandik. Ha, xatolar bo'lib turibdi. Buning ustida ishlayapmiz. Bugun qo'limizdan kelgancha kurashdik.
- "Bunyodkor"ga kelgan ilk paytingizda Umid Sultonov haqida iliq fikr bildirmagandingiz. Bugun aynan u jamoani mag'lubiyatdan qutqardi. Bu murabbiy tomonidan o'yinni kuchaytirish uchun qilingan o'zgarishmidi yoki tavakkallikka qo'l urildimi?
- Bu erda konstruktiv tanqid bo'lgandi. Savol berildi, javob qaytarildi. U har kuni jamoa bilan shug'ullanadi. Bugun u muvaffaqiyatli o'yinga qo'shildi, gap yo'q. Biz hech kimni tanqid qilmaymiz, ayniqsa, matbuot anjumanida. Siz o'shanda uning o'yinda yaxshi yoki yomon o'ynaganini so'ragansiz. Barchasi bo'lib turadi. Bu erda hech qanday muammoni ko'rmayapman va biz hech kimni tanqid qilmaymiz.
U yaxshi shug'ullanyapti, shu sababli u zaxiradan o'yinga qo'shildi. Maydonga tushirayotganda odatdagidek, futbolchilarning holatiga ahamiyat beramiz. Bu normal holat.
- Marchich qachon maydonga qaytadi?
- Yo'q, u hali mashg'ulotlarga qo'shilmadi. 21 oktyabrgacha uning mashg'ulotga qaytishiga umid qilib turibmiz.
- Suhrob Sultonov jarohat olganmi? Nega u asosiy tarkibda ko'rinish bermayapti?
- Bu murabbiylar shtabining qarori, Sarvar Karimov maydonga tushyapti. Navbatdagi o'yinda kim o'yinga tushadi, hozircha bilmayman. Yo'q, u jarohat olmagan, barcha sog'lom. Bugun shunday, ertaga boshqacha bo'lishi mumkin. Bu erda gap raqobatga borib taqaladi.
- Yoki u eng yaxshi jismoniy holatida emasmi?
- Siz uning personal muxlisimisiz? U yaxshi holatda, yaxshi mashg'ulot o'tkazmoqda. Nima u xato qilmaydimi? U ham, Sarvar ham xato qiladi. Faqatgina mening rafiqam xato qilmasligi mumkin, chunki u futbol o'ynamaydi. Futbol - xatolarga boy o'yin. Bizda bu borada muammo yo'q. Tarkibni aniqlash - murabbiylar shtabining ishi. Barchaga bir xilda imkoniyat berilmoqda.
- Bugun "Bunyodkor" ikki ochko yo'qotdimi yoki bir ochko ishlab oldimi?
- Bunday kriteriyaga odatda, ahamiyat bermayman. CHunki endi hech nimani o'zgartirib bo'lmaydi. Yutishimiz ham, yutqazishimiz ham mumkin edi. Barchasini boricha qabul qilamiz.
- "Olimpik"ka qarshi o'yinga qanday tayyorlanasiz?
- "Qizilqum"ni o'rganib chiqqanimiz kabi "Olimpik"ni ham taxlil qilamiz. Keyinchalik o'yinga qanday tayyorlanishni o'ylaymiz va qaror chiqaramiz.
Bosh sahifaga
261