- Xebay 8 yoshidan yashil maydonda to'p tepishni boshlagan. Taip Piraniki uning ilk murabbiyi bo'lib, bo'lajak hujumchining 12 yoshiga qadar saboq bergan.
- Xebay O'zbekiston chempionatida o'ynayotgan ilk albaniyalik futbolchi hisoblanadi.
- Xebay Albaniyaning 17, 19 va 21 yosh toifalaridagi terma jamoa safida ham harakat qilgan. SHu jumladan, 21 yosh toifasida Maltaga qarshi bahsda dublga erishgan.
- Xebay Albaniya va SHimoliy Makedoniya chempionatida g'olib bo'lgan.
- Hujumchi Transfermarkt tomonidan 450 ming evroga baholangan. Bu futbolchi faoliyatidagi eng yuqori qiymat hisoblanadi. Malumot uchun, Xebayning summasi "Andijon" klubiga qo'shilishidan avval 350 ming evroni tashkil etgan.
- "Andijon" bilan ikki yillik shartnoma imzolagan hujumchining dastlabki tovon puli 500 ming evroga teng bo'lgan.
- Xebayning OKMKga qarshi uchrashuvini tomosha qilish uchun uning ota-onasi Toshkentga tashrif buyurgan. Rubin o'sha o'yinda gol urdi, biroq jamoasi 1:2 hisobida imkoniyatni boy berdi.
- Xebay "Teuta" klubi safida Albaniya chempionati doirasidagi uchrashuvning so'nggi daqiqalarida "Kukesi" darvozasini ishg'ol qiladi. G'alabadan mahrum bo'lgan raqib jamoa xodimlaridan biri esa goldan darg'azab bo'lib, zaxira o'rindig'i tom qismini urib sindirgan. Klub esa buning zararini qoplab berishga majbur bo'lgan.
- "Olimpik"ga qarshi O'zbekiston Superligasi uchrashuvidan keyin Andijon viloyati hokimi SHuhrat Abdurahmonov albaniyalik forvardga avtomobil sovg'a qildi.
- Xebayning sevimli futbolchisi — Krishtianu Ronaldu.
- Xebayning sevimli klubi — tarkibida Krishtianu Ronaldu bo'lgan klub.
- Xebayning sevimli albaniyalik futbolchisi — Bekim Balyay.
- Futboldagi orzusi — terma jamoa azosi bo'lish.
- Uning yoqtirgan taomi — sazan balig'i.
Oqil Abdubarnoev tayyorladi.
Bosh sahifaga
227