Ikki tur oldin aftidan chempion kim bo'lishi malumdek edi guyo. Lekin futbolda yozilmagan qonun borki, unda oldindan aniq hech narsani aytib bo'lmaydi. CHempionlik masalasi esa ayni vaqtdagi yana asosiy planga chiqqan. Endilikda turnir jadvalining kuchli to'rtligidan o'rin olgan har bir jamoada umid qayta uyg'ondi. Xo'sh, oldinda ularni qanday qarama-qarshiliklar kutyapti?
"Paxtakor"
"Paxtakor" so'nggi 5ta turda o'zi uchun kerakli ochkolarni boy berdi va jami 8 ochko to'pladi, 2ta g'alaba, 2ta durang, 1 mag'lubiyat. G'alaba ham ikki austayder ustidan qo'lga kiritildi. Oxirgi 3ta uchrashuvni esa g'alabasiz maydonni tark etdi.
"Paxtakor" - "Metallurg" 1:0
"Qizilqum" - "Paxtakor" 2:3
"So'g'diyona" - "Paxtakor" 1:1
"Paxtakor" - OKMK 2:2
"Andijon" - "Paxtakor" 1:0
Kecha "Andijon"ga qarshi uchrashuvdan so'ng "sherlar" ustozi Maksim SHackix jamoasi hamon peshqadamligini aytdi. Ammo bu hech narsani anglatmaydi. Oldinda jamoani turnir jadvalidagi raqobatchisi "Nasaf" bilan o'yin kutmoqda. Jamoa shu to'rtlikda faqat "Navbahor"ni yuta olgan. Toshkentda "ajdarlar" bilan o'yin hal qiluvchi ahamiyatga ega bahs bo'lishi aniq. Bu ikki jamoa o'rtasidagi farq 4 ochkoni tashkil qilyapti.
Keyingi 5ta uchrashuv
23-tur. "Paxtakor" - "Turon"
22-tur. "Buxoro" - "Paxtakor"
24-tur. "Paxtakor" - "Nasaf"
25-tur. "Surxon" - "Paxtakor"
26-tur. "Paxtakor" - "Bunyodkor"
Poytaxt klubi o'z qo'lidagi imkoniyatdan foydalana oladimi?
"Navbahor"
OCHLdagi muvaffaqiyatli yurishini chempionatda ham davom ettirayotgan "lochinlar" birinchi o'rindagi "Paxtakor"ni quvishda davom etadi. "Paxtakor" ketma-ket ochko yo'qotishlaridan "Navbahor" unumli foydalanib qoldi va oradagi farqni 3taga qisqatirdi. So'nggi 5ta uchrashuvda jamoa deyarli "Paxtakor" bilan teng 7 ochko jamg'argan. Mehmonda "Andijon" va "So'g'diyona"ga engildi, uyda OKMK bilan durang o'ynadi. Namanganliklar kuchli to'rtlikdan o'rin olgan jamoalardan faqat "Paxtakor"ga yutqazgan. "Neftchi" va "Nasaf" bilan durang natija qayd etgan.
"So'g'diyona" - "Navbahor" 2:1
"Navbahor" - OKMK 0:0
"Andijon" - "Navbahor" 2:1
"Navbahor" - "Turon" 5:0
"Buxoro" - "Navbahor" 0:3
"Paxtakor"nikidan farqli ravishda "Navbahor" keyingi 5ta uchrashuvning 2tasini turnir jadvalidagi eng yaqin taqibchilariga qarshi o'tkazadi. "Nasaf" va "Neftchi" Namanganga tashrif buyuradi.
23-tur. "Surxon" - "Navbahor"
22-tur. "Navbahor" - "Nasaf"
24-tur. "Navbahor" - "Bunyodkor"
25-tur. "Olimpik" - "Navbahor"
26-tur. "Navbahor" - "Neftchi"
24-turda Toshkentda asosiy jang kechsa, "Navbahor" birinchi davrada 5ta gol o'tkazgan "Bunyodkor"ni o'zida qabul qiladi. Samvel Babayan poytaxtdagi o'yinda "sherlar"ning ochko yo'qotishi ehtimoli borligidan kelib chiqib o'zining o'yinini 3 ochko bilan tugatishga bor kuchini tashlaydi.
"Nasaf"
Tur oldidan aytganimdek, Qarshidagi markaziy o'yin ikki jamoadan birining nafaqat sovrindorlar qatoriga kirishini balki chempionlik yo'lida jiddiy kurash taqdim qilardi. "Nasaf" bu imkoniyatdan foydalandi va "Neftchi"ni mag'lub etdi. Endilikda ikkinchi o'rindagi "Navbahor"dan 1, "Paxtakor"dan 4 ochkoga ortda qolmoqda. Toshkentda "Paxtakor" bilan javob uchrashuvi bor. Lekin ungacha Ro'ziqul Berdiev uyda "Metallurg" va mehmonda "Navbahor" sinovidan o'tishi kerak. "Nasaf" o'zaro o'yinlarda "Neftchi"dan ustun, "Paxtakor" va "Navbahor" bilan teng, lekin javob o'yinlari bor.
"Nasaf" so'nggi 5ta o'yinning 3tasini 3 ochko bilan tugatgan, 1ta o'yinda mag'lubiyat, 1ta uchrashuvda durang jami 10 ochko to'pladi va bu borada Superliganing ikkinchi jamoasi bo'lib turibdi.
"Nasaf" - "Qizilqum" 0:0
"Surxon" - "Nasaf" 1:2
"Nasaf" - "Bunyodkor" 0:1
"Olimpik" - "Nasaf" 1:3
"Nasaf" - "Neftchi" 2:0
Qarshi jamoasini keyingi 5ta o'yindagi raqiblari bilan tanishing. Bu borada ularga oson bo'lmasligi tayin. Birinchi davrada "Nasaf" bu beshta jamoadan hech biriga mag'lub bo'lmagan.
23-tur. "Nasaf" - "Metallurg"
22-tur. "Navbahor" - "Nasaf"
24-tur. "Paxtakor" - "Nasaf"
25-tur. "Nasaf" - "So'g'diyona"
26-tur. OKMK - "Nasaf"
"Neftchi"
Vitaliy Levchenko shogirdlari 21-turga kelib ilk mag'lubiyatini o'zi uchun muhim bo'lgan "Nasaf" bilan bahsda tan olganiga qaramay hamon imkoniyatni saqlab qolgan. Jamoaning zaxirasida bitta o'yin bor ("Turon bilan). To'rtinchi o'rin "Neftchi" uchun finish emas. CHunki "Nasaf"dan 1, "Navbahor"dan 3, "Paxtakor"dan 6 ochkoga ortda qolayotganini ko'rishingiz mumkin. «Neftchi» o'zaro o'yinlarda to'plar nisbatiga ko'ra «Nasaf»ga yutqazdi. «Paxtakor»dan esa ustun, «Navbahor» bilan teng va javob o'yini bor.
"Buyuk chinorlar" Qarshiga 3ta durang, 1ta g'alaba bilan etib kelgandi. Endi esa ularning oldiga 1ta mag'lubiyatni ham qo'shamiz. "Neftchi" 5ta o'yinda ochko jamg'arish borasida jadvalda to'qqizinchi o'rinni egallab turibdi. Autsayder "Qizilqum" ham farg'onaliklardan ko'p ochko ishlagan.
"Neftchi" - "So'g'diyona" 0:0
OKMK - "Neftchi" 1:1
"Neftchi" - "Andijon" 0:0
"Neftchi" - "Buxoro" 3:0
"Nasaf" - "Neftchi" 2:0
Oldindagi o'yinlarda kimlar raqiblik qiladi? Taqvim bilan tanishamiz. "Turon" bilan qoldirilgan o'yin 9 noyabr kuni bo'lib o'tadi.
22-tur. "Neftchi" - "Surxon"
23-tur. "Bunyodkor" - "Neftchi"
24-tur. "Neftchi" - "Olimpik"
19-tur. "Turon" - "Neftchi"
25-tur. "Neftchi" - "Qizilqum"
26-tur. "Navbahor" - "Neftchi"
Ko'rib turibsizki hal qiluvchi palla hali oldinda. O'tgan mavsumda so'nggi turda omad "Paxtakor"ga kulib boqqan. Lekin jamoa bu yil qolgan bahslarda ham ochko yo'qotishda davom etsa, xuddi shu holat boshqa jamoa bilan yuz beradi.
Demak, buyog'i mardi maydon!
Bosh sahifaga
227