Uchrashuv 18:00dan boshlandi.
O'yin Farg'onadagi "Samo" sport majmuasida bo'lib o'tdi.
Ajoyib kombinaciyadan keyin Ixtiyor Ropiev hisobni ochib, jamoamizni oldinga olib chiqdi.
Ikkinchi bo'lim boshida terma jamoamiz navbatdagi burchak to'pini o'yinga kiritdi va raqibning bor etibori maydon burchagidagi ikki futbolchimizga qaratilganida Davron CHoriev darvoza oldida yolg'iz qoldi va o'ziga uzatilgan to'pni osonlik bilan darvozaga yo'llab qo'ydi.
Raqib o'yinni markazdan boshlab darhol hujumga tashlandi, darvozabon ham markazga yaqin zonada kombinaciyada ishtirok etayotganida to'p vakillarimiz tomonidan olib qo'yildi va Elbek To'lqinov markazga ham etmagan nuqtadan to'pni darvozaga yo'llab qo'ydi.
Sen urmasang senga urishadi... Jamoamiz Sunnatilla Jo'raev yo'llagan to'p bo'sh darvozaga kirishni "istamadi" va ustunga tegib qaytdi, javob hujumini esa Sayir Iqbol Xon kuchli zarbasi bilan yakunladi — 1:3
Dilshod Rahmatov jamoamizning to'rtinchi goliga muallif bo'ldi.
Qolgan daqiqalarda esa Sayir Iqbol Xon yana ikkita gol urdi. Xet-trik qayd etgan bo'lsada, uning harakatlari Malayziyani mag'lubiyatdan qutqarib qola olmadi.
O'zbekiston - Malayziya 4:3
Gol: Ixtiyor Ropiev 1:0; Davron CHoriev 2:0; Elbek To'lqinov 3:0; Dilshod Rahmatov 4:1 — Sayir Iqbol Xon 3:1; 4:2; 4:3.
O'zbekiston (asosiy beshlik): 1. Ravshan Elibaev, 4. Ixtiyor Ropiev, 6. Ilhomjon Hamroev, 8. Husniddin Nishonov, 10. Davron CHoriev.
Zaxira: Botirov, Odilov, Jo'raev, Rahmatov, Elbek To'lqinov, Solihov, Elmurodov, Axmetzyanov, Rahmatullaev.
Malayziya (asosiy beshlik): 2. Abu Xanifa bin Hasan, 3. Muhammad Azri Rahman, 11. Muhammad Saad Sani, 13. Muhammad Ekmal SHaxrin, 14. Zaynulzaxin Sinuan.
Bosh sahifaga
309