Osiyo kubogi saralash bosqichidan o'rin olgan O'zbekiston - Iroq (3:1) uchrashuvidan so'ng terma jamoamiz azosi Dilshod Rahmatov jurnalistlar savollariga javob qaytardi.
- Qiyin o'yin o'tkazdik. Iroq terma jamoasi bosh murabbiyi bizni alohida etibor bilan o'rgangani sezilib turdi. Ayniqsa, birinchi bo'limda bu xolat yaqqol sezildi.
Alohida takidlagan bo'lardim, jamoamiz azosi Xusniddin Nishonov bugun juda yaxshi o'yin ko'rsatdi. Aynan uning harakatlari evaziga urilgan gollar jamoamizga g'alaba keltirdi. Biz Osiyo chempionatiga yo'llanmani qo'lga kiritdik.
- Iroq yoki Malayziya. Qaysi terma jamoa sizda iliq taasurot qoldirdi?
- Har ikki terma jamoaning ham o'ziga xos ustun tomonlari bor. Biroq Osiyoda reyting jihatdan Iroq kuchliroq sanaladi.
Aslida hech qaysi terma jamoani kuchsiz sanamagan bo'lardim. Sababi buning natijasida pand eb qolishimiz mumkin.
- Terma jamoamizni qo'llab-quvvatlash uchun kelgan muxlislar haqida fikrlaringiz...
- Albatta, biz butun o'yin davomida ularning daldasini his qilib turdik. Ular uchun g'alaba qozonishimiz shart edi. Arenaga kelgan yoki televidenie orqali qo'llab-quvvatlagan barcha muxlislarga minnatdorchilik bildiraman.
Bosh sahifaga
419