Xo'sh, murabbiy hozirda nimalar bilan band? SHu va boshqa savollar bilan Hakim Fuzaylovga yuzlandik.
- Hakim Qayumovich "Buxoro"ni tark etganingizdan so'ng nima bilan mashg'ul bo'ldingiz? Qaysi jamoalardan takliflar bo'ldi?
- Birinchi navbatda sog'lig'imni tiklab oldim. Hordi chiqarish barobarida futbol o'yinlarini tomosha qildim. Takliflar O'zbekiston va boshqa mamlakatlardan bo'ldi. Bu chorlovlar haqida hozir gapirishning mavridi emas. CHunki takliflarni rad qilib bo'lganman.
- "Buxoro"dan istefoga chiqarilishingiz o'shanda qanchalik adolatli bo'lgandi? Murabbiy o'zgardi. Klub esa qiyin vaziyatdan chiqib keta olgani yo'q...
- Bu mening qarorim. Asosiy muammo sog'lig'imda bo'ldi, deya olaman. Bosim yuqori edi.
- Klubning Superligada qolish imkoniyatini qanday baholaysiz?
- Oldinda yana 6ta o'yin qoldi. Barchasi jamoaning o'z qo'lida. "Buxoro"da Superligada qolish uchun imkoniyat bor.
- Sizningcha, Pro ligadan Superligaga chiqqan jamoalarga nima etishmayapti?
- Ishonch yo'qligi va jamoaviy o'yin etishmayapti.
- Bu selekciya jarayonlariga ham bog'liqmi?
- Albatta. Bu omil ham tasir qiladi. Klubda selekciya yil davomida va to'xtovsiz davom etishi kerak.
- "Dinamo" Vadim Abramov boshchiligida Superligaga qaytdi. Samarqand jamoasidan Superligada nima kutyapsiz?
- Vadim Abramovni shaxsan bilganim uchun aytishim mumkinki, "Dinamo" syurpriz ko'rsata oladi. Keyingi mavsumda "Dinamo"dan chiroyli va ishonchli o'yin kutaman.
- Superligada qaysi murabbiyning ishini yuqori baholay olasiz? Qaysi jamoada murabbiy imzosi ko'rinyapti?
- Bu borada ko'plab murabbiylarni sanab o'tishim mumkin. CHunki ularning qanday ishlashini bilaman. Bu yil esa Berdiev, Levchenko, SHackix, Babayan, Qosimov va Kapadzening ishini alohida aytishim joiz.
Bosh sahifaga
194