- O'yin haqida
Srechko Katanec: - Jamoamiz o'yinga tayyor. Barcha futbolchilarimiz o'yinga tayyor. Jarohat yoki bosh muammolar yo'q. SHunday ekan, o'yinga tayyormiz deya olaman.
Ertaga biz uchun eng muhimi futbolchilarimizning jarohat olmasligi. Bunday maydon juda xavfli hisoblanadi. Bu oddiy o'rtoqlik uchrashuvi, natija hech qanday ahamiyatga ega emas. SHu sabab ham biz boshqacha uslubda o'ynashimiz mumkin. Ko'p futbolchilarga imkon berish, har xil taktikalarni sinab ko'rish ehtimolimiz bor. Eng asosiysi futbolchilarimizning hamjihatligini taminlash va keyingi muhim o'yinlarga tayyor holda etib kelish.
Otabek SHukurov: - Biz futbolchilar o'yinga tayyormiz. To'g'ri, bu o'rtoqlik o'yin, ammo bu biz uchun juda muhim o'yin. Terma jamoaning har bir o'yini muhim hisoblanadi. Muxlislarimiz bizdan faqat g'alaba kutishadi. Futbolchilarda ham kayfiyat alo, o'yinga tayyormiz.
- Xitoyga qarshi o'tkazilgan 2019 yilgi uchrashuv haqidagi fikrlaringiz...
- 2019 yilgi Xitoyga qarshi o'yin haqida hech qanday malumotga ega emasman, xatto u davrda termani kim boshqarganidan ham xabarim yo'q, bu umuman ahamiyatsiz narsa. Eng asosiysi, bugungi tayyorgarligimiz. Xitoy terma jamoasi haqida ham hech narsa deya olmayman. Eng muhimi saralash o'yinlariga yaxshi kayfiyatda etib kelishimiz kerak.
- 2026 yilgi Jahon chempionatiga yo'llanmalarni oshirilgani O'zbekiston terma jamoasiga ham foydaga ishlaydimi?
- Albatta, barcha terma jamoa uchun ham ko'proq imkoniyat beradi. Biroq, saralash bosqichi qanday o'tishini oldindan aytib bo'lmaydi. Kimgadir oson, kimgadir qiyin bo'lishi mumkin. Buni vaqt ko'rsatadi. Lekin, takidlaganimdek, barcha terma jamoalarning imkoniyatlari yuqoriroq bo'ladi.
- Terma jamoa sardori Eldor SHomurodov nega ushbu yig'inlarga kelmadi?
- Eldorga shunchaki dam berishga qaror qildim. Boshqa hech qanday sabab yo'q.
Bosh sahifaga
194