- O'yin haqida fikringiz...
- Judayam zo'r o'yini bo'ldi. Qolaversa, penaltilar seriyasida g'alaba qozonganimiz nur ustiga alo nur bo'ldi. Jamoa muxlislari va shogirdlarimni mazkur g'alaba bilan tabriklayman.
- OKMK penaltilar seriyasiga tayyorgarlik ko'rganmidi?
- O'yinda har qanday vaziyat bo'lishi mumkin. Bu ham ishimizning bir bo'lagi. SHu bois, seriyaga ham tayyorlangandik. Maydonga yaxshi niyatda chiqiladi, lekin nima sodir bo'lishini o'yindan keyin bilib olasiz. G'alabadan xursandman.
- Bugun siz tomondan ham, Babayan tomondan ham etirozlar ko'zga tashlandi. Hakamlar bugungi o'yin darajasiga mosmidi?
- O'yin davomida hissiyotlari bo'lishi tabiiy. O'zimda bunday holatlar ko'p bo'lgan. Hatto 70 mingdan ortiq tomoshabin qarshisida ham o'y-fikrlar faqat maydonda bo'ladi. Bu futbolning bir qismi. Eng yomon narsa — beg'am bo'lish. Hakam ikki tomon zarariga ham ishlagan vaziyatlar bo'ldi.
- SHogirdlaringizda g'alabaga bo'lgan kuchli ishtiyoq ko'zga tashlandi. Osiyo CHempionlar ligasida shu jihat etishmayotgandek...
- CHetdan gapirish judayam oson. Har bir o'yinga o'ziga yarasha tayyorgarlik ko'riladi. Maydonga xohishsiz tushmaymiz. Bugun bir-biriga munosib jamoalar maydonga tushdi. Xatolar Evropa futbolida ham kuzatiladi. Biz har bir o'yinga tayyorgarlik ko'ramiz. Stadionga qancha muxlis tashrif buyurishidan qati nazar, ular uchun maydonga tushamiz. G'alaba va mag'lubiyat yonma-yon yuradi.
- Haqnazariy va Sanches engil jarohati sabab majburan zaxiraga olindi. CHempionlar ligasiga qadar bu o'yinchilar tiklana oladimi?
- SHu narsa boshni qotirmoqda. Uch kundan so'ng "Sepahon"ga qarshi maydonga tushamiz. Ushbu o'yingacha tiklanib olish ham kerak. Jarohatlanganlar ham bor. Bu ham bir sinov. Tezroq tiklanishimz kerak. Zero, til shunday suyaksiz narsaki, yutganingda tepaga olib chiqib qo'yadi, muvaffaqiyatsizlikka uchrasang, pastga sudraydi.
Bosh sahifaga
215