Uchrashuvdan keyin mezbonlar murabbiyi Vesko Steshevich taassurotlari bilan o'rtoqlashdi.
"Nima ham derdim. Ochko yo'qotganimizdan xafamiz. O'yinni yaxshi boshladik. Birinchi bo'limning dastlabki qismida faol harakat qila oldik. 3-4-daqiqadayoq gol urishimiz mumkin edi, O'rinboevda qulay imkoniyat bo'lgandi. Ammo vaziyatdan foydalana olmadik.
SHoyqulovni chetlatilishi nafaqat rejamizda yo'q edi, balki u vaziyatda umuman kerak emasdi. Raqib futbolchisi ham qizil olib, tarkiblar tenglashganidan keyin esa o'yinni biz nazorat qildik.
Penaltidan gol urishimiz kerak edi. Afsus, undan ham gol urish nasib qilmadi. Ubaydullaevda yaxshi vaziyat bo'ldi, u raqib darvozaboni bilan birga-bir vaziyatga chiqib borgandi. O'ylashimcha, bugun biz 2 ochko yo'qotdik.
Elitadagi o'rnini saqlab qolish uchun kurashayotgan jamoalarga qarshi o'yinlar doim qiyin bo'ladi. Nazarimda, raqib to'pni bizga berib qo'yib, biz birinchi raqam bo'lib o'ynashimiz talab etilganda muammolarga duch kelyapmiz. Albatta, bu vaziyatni tahlil qilib, o'rganib chiqamiz", - dedi Vesko Steshevich.
Bosh sahifaga
226