"O'yin biz uchun oson kechmadi. 80 daqiqa bir kishi kam bo'lib o'ynadik. Taslim bo'lmasdan kurashib, bir ochkoni qo'lga kiritganimiz bilan muxlislarni tabriklayman", – dedi Krestinin.
- Suhrob Izzatovning qizil kartochkasiga izoh berib o'tsangiz...
- Men hakam qarorlarini muhokama qilmayman. Vaziyatga keladigan bo'lsak, keyinchalik ko'rib chiqamiz va xulosaga kelamiz.
- So'nggi o'yinlarda jamoa asosan ikkinchi taymda o'yinni kuchaytirishmoqda. Bunga sabab nima? "A" reja ish bermaganidan so'ng "B" rejasiga o'tilmoqdami?
- Men ushbu savolga javob qidiryapman. Jamoada jismoniy holat yaxshi, biroq ikkinchi bo'limni yaxshiroq o'tkazmoqdamiz. Bunga sabab nimaligini bilmayman ochig'i. Bu savolingizga hali javob topa olmadim.
- "Bunyodkor" jamoasining hujumchilari so'nggi bahslarda deyarli gol urishmayapti. Bugungi uchrashuvda ham markaziy himoyachi gol urdi. "Bunyodkor"da hujumchilar bilan bog'liq muammoning sababi nimada?
- Biz mashg'ulotlar o'tkazamiz va o'yinlarga tayyorgarlik ko'ramiz. Masalan, Franciya chempion bo'lgan Jahon chempionatida markaziy hujumchi Olive Jiru birorta gol urmagandi. Bizning jamoada har bir futbolchida gol urish uchun imkoniyat bo'ladi. Har bir futbolchi yakunlovchi vaziyatda bo'lib qolishi mumkin. Biz standart vaziyatlardan ham unumli foydalanishga harakat qilamiz.
- Bugungi uchrashuvda "Bunyodkor" bir ochko qo'lga kiritdimi yoki ikki ochko yo'qotdimi?
- Agar o'yindan avval durang qayd etishimizni bilganimda, bugun ikki ochko yo'qotdik degan bo'lar edim, ammo bugungi o'yinda deyarli 90 daqiqa bir kishi kam bo'lib harakat qildik. Bugun bir ochkoni qo'lga kiritdik deya olaman.
Bosh sahifaga
161