Aleksandr Xomyakov: "G'alabadan xursandman. Baxs oxiri asabiy o'tdi. O'yinimiz chiqdi. Birinchi bo'limning bazi vaziyatlarida nazorat biz tomonda ekanligini his qilgandik va bo'shashdik, shu sababli gol o'tkazib yubordik.
Ikkinchi bo'limda faolroq harakat qilishga to'g'ri keldi. Birinchi bo'limda hammasi ishladi, faqat gol ura olmadik. Ikkinchisida yanada aktivroq bo'ldik va gol urishga muvaffaq bo'ldik. Maydonda raqib bir kishi kam bo'lib qolganida xotirjamlik bilan g'alaba qozonishimiz kerak edi, ammo biroz shoshdik. Darvozabonimizga rahmat aytaman, u bizni qutqarib qoldi. Umuman olganda, yigitlarga minnatdorchilik bildiraman, muxlislarni g'alaba bilan tabriklayman".
- "Andijon" ko'p vaziyatlarda to'pni yo'qotib qo'ydi, bu nima bilan bog'liq?
- Bahsni yaxshi boshlay olmadik, gapingizga qo'shilaman, oddiy vaziyatlarda to'pni oldirib qo'ydik. Raqib asosan tezkor qarshi hujumlar bilan xavf soldi. Ular shu uslubni yaxshi ko'rishadi. SHundan havotir oldim. Bahs nazorati bizning qo'limizda edi.
- Hakamga etirozlaringiz bormi? CHunki u texnik zonadagilarga sariq kartochka ko'rsatdi
- Etiroz yo'q. SHunchaki hissiyotlarni nazorat qila olmadik.
- O'zgarishlarni his qilasizmi. Sohibjonov zaxiradan maydonga tushib, gol urishga muvaffaq bo'ldi.
- Bunga javob berganman. Bu intuitiv ravishda sodir bo'lsa kerak. Komilov penalti ishladi, Sohibjonov gol urdi. Barcha yigitlar maydonga tushishga tayyor. Ulardan minnatdorman.
Bosh sahifaga
292