"Navbahor"ning uchrashuvini tomosha qildim. Jamoa ikkinchi taymda o'yinin kuchaytira oldi. Ostonning individual sifatlari muhim rol o'ynadi. SHaxsan menga ikkinchi taym manzur keldi. Hujumda, himoyada birdamlik bilan harakat qildi. OKMK OCHLda o'ziga o'xshayotgani yo'q. Futbolchilar harakat qilyapti, lekin kechagi kabi gollarni o'tkazib yubormoqda.
Avval aytganimdek, "Nasaf"da Ro'ziqul Berdievning ishi ko'rinmoqda. Olib borilgan selekciya jarayonida ham murabbiyning ishi sezilib turibdi. Har yili bir nechta futbolchini chiqaradi. Uning jamoasida doim ikkita taktika bo'ladi. Himoyada imkoniyatini kutib, qarshi hujumlardan foydalanadi, yuqori pressingda ham o'ynay oladi. Pozicon hujumlarda biroz muammolar bor, ammo ijrochilar va aniq uslub hisobiga bu kamchilik ko'rinmay ketmoqda.
"Paxtakor"ning qanday o'yin ko'rsatishi men uchun jumboq hisoblanadi. Etakchilardan CHeran maydonga tushmaydi. Balki juda yaxshi o'yin ko'rsatib, yutishi mumkin. Balki boshqacha natija qayd etilar. Jamoada barqarorlik yo'qligi uchun aniq fikr bildirish qiyin", – dedi Jasur Abduraimov.
Abdulaziz Iskandarov yozib oldi
Bosh sahifaga
132