Bu jamoalarning turnir jadvalida egallab turgan o'rni, mezbonlar faktori, natijaning asosiy planga chiqishi haqiqiy markaziy maqomni beradi.
Andijon Superliga. 23-tur 28/10/2023, 16:00 OKMK Turnir jadvalida ayni paytda OKMK 36 ochko bilan 5 -o'rinni, "Andijon" 34 ochko bilan 6-o'rinni egallab turibdi. Bugungi g'alaba orqali mezbonlar beshinchi o'ringa ko'tarilib olishi, OKMK bir pog'ona pastga tushishi mumkin. Qosimov jamoasining ehtimoliy g'alabasi vaqtincha 4-o'ringa olib chiqadi va "Neftchi"ning natijasini kutadi. "Andijon"ning keyingi o'yinlari: 24-tur. "Qizilqum" - "Andijon" 25-tur. "Turon" - "Andijon" 26-tur. "Andijon" - "Buxoro" OKMKning navbatdagi o'yinlari: 24-tur. OKMK- "Turon" 25-tur. "Buxoro" - OKMK 26-tur. OKMK - "Nasaf" "Bobur Arena"da "burgutlar" qirol. OKMK mehmonda mag'lub bo'lmayapti "Andijon" ikkinchi davrada o'z maydoniga qaytganidan beri hali mag'lubiyatga uchragani yo'q. "Burgutlar" "Bobur Arena"dagi so'nggi 5ta o'yinning 3tasida g'alabani begona qilgani yo'q. Jamoa mezbon maqomida so'nggi bor 5 may kuni "So'g'diyona"ga 3 ochko sovg'a qilgan edi. Oxirgi 3ta o'yinda chempionlik uchun kurashayotgan "Navbahor", "Paxtakor" va Kapadze boshchiligidagi "Olimpik" taslim qilindi. "Andijon" mezbon maqomida kimlar bilan o'ynadi? "Andijon" - "Qizilqum" 2:0 "Andijon" - "Turon" 2:1 "Andijon" - "Nasaf" 0:0 "Andijon" - "Surxon" 0:0 "Andijon" - "Olimpik" 2:1 "Andijon" - "Navbahor" 2:1 "Andijon" - "Paxtakor" 1:0 Mirjalol Qosimov boshchiligidagi OKMK esa mehmonda so'nggi bor 24 iyun kuni Qarshida "Nasaf"ga imkoniyatni boy bergan. SHundan so'ng ketma-ket 5ta uchrashuvda "konchilar" safardan kamida 1 ochko bilan qaytishga muvaffaq bo'lishngan. "So'g'diyona" - OKMK 1:2 "Bunyodkor" - OKMK 1:1 "Navbahor" - OKMK 0:0 "Paxtakor" - OKMK 2:2 "Qizilqum" - OKMK 1:2 12 yillik seriya yakuniga etadimi? Jamoalar shu kungacha Andijonda 11 marotaba to'qnash kelishgan. Mazkuru uchrashuvlarda kichik ustunlik OKMK tomonida 6 g'alaba. "Andijon" o'z maydonida raqibini faqat 4 marotaba mag'lub eta olgan. 1ta uchrashuvda tomonlar murosa ko'chasini tanlagan. "Andijon" oxirgi bor 2011 yilgi mavsumning 15-turida o'z maydonida "konchilar"dan 3 ochko tortib olishga erishgan. Lochin Soliev so'nggi "burgut" bo'lib turibdi. Superliga-2011. 15-tur. 05.08.2011 17:00. "Sog'lom Avlod" stadioni "Andijon" - OKMK (Olmaliq) 1:0 Gol: Lochin Soliev 90 "Andijon": G'ayratjon Hasanov, Oleksandr Polovkov, Aleksey Kasyan, Ildar Mamatkazin, Ibrohim Otaxonov, Yuriy Celix, Aleksandr Popovich, Lochin Soliev, Aziz Ibragimov, Baxtiyor Hamidullaev, Ikromjon Ibragimov OKMK: Denis Ershov, Evgeniy Gogol, Farruh Nurliboev, Bahrom Yuldashev, Ivan Kucherenko, Doston Abdurahmonov, Zohir Pirimov, Isroil Ergashev, Sanjar SHoahmedov, Oleg Zoteev, Mo'ydin Mamazulumov Qosimov bugun ham yoshlarni sinovdan o'tkazishga majbur Mavsumning oxiriga kelib hech qaysi jamoada OKMKchalik ko'p yo'qotish yo'q. Mirjalol Qosimov bugun Sardor Mirzaev, SHohruh Gadoev, Islom To'xtaxo'jaev, Anzur Ismoilov, Ruben Sanches, Siyavash Haqnazariy xizmatidan foydalana olmaydi. Katta ehtimol bilan Mirjamol Qosimov ham bugungi uchrashuvni zaxiradan tomosha qiladi. Bugun Murat Ermatov, Sirojiddin Bashriddinov, Iskandar Bo'sinov kabi yoshlarning imkoniyatlarini ko'rib olamiz.
Bosh sahifaga
120