Allegri: "Futbol - shavqatsiz sport turi"

"Futbol - shavqatsiz sport turi. G'alaba qozonishimiz uchun 97 daqiqa kerak bo'ladi. SHunda ham golni darvoza to'sinidan qaytgan to'pdan urdik.

Jamoa g'alabaga loyiq edi, barchamiz juda tartibli bo'ldik, bu g'alabaning asosini tashkil qildi. Kombinaciyalarni xotirjamlik bilan amalga oshirdik va o'yin tugashiga bir daqiqa qolganida g'alaba golini urdik. SHensni Mirettiga to'pni oshirdi, keyin Gatti qanotdan darvoza yoniga to'pni uzatdi, Milik boshi bilan zarba berdi, Kambyazo gol urdi. Yigitlar hatto so'nggi daqiqalargacha jangovarlikni yo'qotishmadi, bu umumiy g'alabadagi asosiy omillardan biri bo'ldi.

Kin zaxiraga olinishiga loyiq emasdi. Biroq futbolchining ikki goli bekor qilinib, o'zi sariq kartochka olganidan keyin bu uning oqshomi emasligini tushundim va almashtirdim. Kin - juda kuchli rivojlanishga erishgan, jismonan va ruhan anchagina o'zgargan futbolchilardan biri.

"Yuventus"da professionallardan iborat jamoa bor, ular o'z chegaralarini yaxshi bilishadi va endi ular bu sarhadlarni ko'paytirishga harakat qilishyapti. Yana ko'plab futbolchilarimiz ijarada, akademiya so'nggi 10 yillikda yaxshi ishlamoqda.

Yana bir muhim tomoni shundaki, ommaviy axborot vositalari ham balansni topishi kerak. Ular bugun qahramonlik qilgan futbolchini ertaga loyga botirishadi", - dedi Allegri.