Samvel Babayan: "Bugun mamlakatimizning ikki eng kuchli jamoasi to'qnash keldi. O'yin qiziq o'tdi. Afsuski, mag'lubiyatga uchradik. Natija adolatli deya olmayman. Vaziyatlardan foydalana olmadik. Yomon o'yin ko'rsatmadik. O'z maydonimizda, muxlislarimiz qarshisida mag'lub bo'lish ikki baravar og'ir. Natija uchun hammadan uzr so'rayman. Yigitlarga etiroz yo'q, baxtga qarshi bugun omad bizdan yuz o'girdi".
- Klub matbuoti jarohat olganlar haqida malumot bermaydi. Tabatadze qaerda, Hoshimovga nima bo'ldi... Bugun Yaxshiboev haqida so'radik. Jamoa shifokorining ishi sizni qoniqtiryaptimi?
Adashmasam, bugun Mo'minov maydonga tushdi. Jamoada yangilar tushishidan xursandman. Hujumda shunday yigitlar bormi?
- Tabatadze qaytishga yaqin, Jokich bugun maydonga tushdi. Muddatidan avval ularni o'ynata olmaymiz. Tiklanish jarayoni ketyapti. Afsuski, Tabatadzeni kubok yarim finalida maydonga tushirib, uning jarohatini og'irlashtirib oldik. Yaxshiboev ham davolanyapti. Hoshimovning operaciyasi muvaffaqiyatli o'tdi, ammo bu yil bizga yordam bera olmaydi.
Mo'minovga keladigan bo'lsak, u "Navbahor"ning iqtidorli yigitlaridan biri. Jamoa kelajagi. Bugun uni maydonga tushirishga majbur bo'ldik, vaziyatlarda yomon ko'rinmadi, assist muallifi bo'lishi mumkin edi. Iqtidorli yigitlarimiz etarlicha. 4 nafar futbolchi JCHda "Navbahor" safidan ishtirok etadi.
- Oston O'runov jarohat bilan o'ynashga majbur bo'lyapti. Uning holati qanday?
- U asosiy tarkib va terma jamoa futbolchisi. Oston og'riq bilan maydonga tushyapti. U jamoaga yordam berishni xohlayapti. Barcha muhim o'yinlarda jamoamiz mag'lubiyatga munosib emasdi. Omadimiz kelmayapti. Qaerdadir omadimiz kelishi kerak-ku. Aybni o'zimizdan qidirishimiz kerak. Bugun zaxiramizdan to'liq foydalandik, tan olish kerak, bor kuchimiz shu. Yigitlar o'yin davomida yaxshi harakat qilishdi. Afsuski, to'p raqib darvozasiga kirmayapti. Bu futbol. Balki keyingi bahslarda omad kular.
- Bugungi "Navbahor"da eng yaxshi futbolchilar yig'ilgan. Superligada mavsum yakunlanyapti, nega jamoada barqaror kutilgan o'yin yo'q?
- Biz uchta frontda kurashishga harakat qildik. Afsuski, bizdagi tarkib barcha turnirlarda bir xil o'ynashga imkon bermadi. Uch frontda kurashish qiyin. Ruhan va jismonan tiklanish va tayyorlanish qiyin bo'ldi. Bu vaziyatda nima qilish kerak? Muhim bahslarda o'yinni kuchaytira oladigan yoshlarni tayyorlash kerak.
Bosh sahifaga
1531