"Championat.asia" o'tkazilgan bahslar asosida tur laureatlarini aniqladi.
"Turon" azosi Rahimjon Davronov "Championat.asia" sayti talqiniga ko'ra 23-turning eng yaxshi darvozaboni deb topildi.
Yaypanliklar darvozaboni ortda qolgan turda o'zini ko'rsatib, darvozasi daxlsizligini saqlab qoldi, uning jamoasi "So'g'diyona"ni 1:0 hisobida engishga erishdi.
"Nasaf" yarim himoyachisi Oybek Bozorov "Championat.asia" talqinida 23-turning eng yaxshi futbolchisi deya elon qilindi.
"Nasaf" vakili "Navbahor"ga qarshi markaziy bellashuvda 85 daqiqa harakat qildi va jamoasining muhim g'alabasida katta hissa qo'shdi. U bir nechta vaziyatlarda darvozani nishonga olib, xavfli vaziyatlar hosil qildi va o'ziga xos paslari bilan boshqalardan ajralib turdi.
"Bunyodkor" yarim himoyachisi Umid Sultonovning so'nggi soniyalarda "Neftchi" darvozasiga kiritgan to'pi "Championat.asia" talqiniga ko'ra 23-turning eng chiroyli goli (VIDEO) deb tan olindi.
"Qaldirg'ochlar" hujumkor yarim himoyachisi "Neftchi" bilan bahsda jamoasining qarshi hujumini gol bilan yakunlay oldi. Etiborlisi, u 85-daqiqadan zaxiradan maydonga tushgan va gol urilgan paytda qo'shib berilgan vaqt tugab borayotgan edi.
OKMK ustozi Mirjalol Qosimov "Championat.asia" talqiniga ko'ra 23-turning eng yaxshi murabbiyi sifatida etirof etildi.
Olmaliqliklar ushbu turda safarda "Andijon" ustidan muhim g'alabaga erishdi (1:0). Jamoa ustozining bahsga to'g'ri taktika tanlagani g'alaba omili bo'lib xizmat qildi.
Bosh sahifaga
1275