- "Ordabasi"dagi mavsum qanday o'tdi?
- Mavsum yaxshi o'tdi deb o'ylamayn. Sababi klub bilan birga Qozog'iston chempioni bo'ldik, mamlakat kubogi finaliga chiqdik (suhbat 3 noyabr kuni bo'lgan). Konferenciyalar ligasida ham guruh bosqichiga chiqa olmagan bo'lsak ham munosib qatnashdik.
- Bu klub oldiga mavsum boshida chempionlik vazifasi qo'yilgandi. SHaxsan o'zingiz chempion bo'lishiga qanchalik ishongandiz?
- CHempion bo'lishimizga boshidan ishongandim. Sababi mavsum oldidan tarkibga jalb etilayotgan futbolchilar, legionerlarni ko'rgandim. Bir qator Qozog'iston milliy terma jamoasi azolari tarkibga qo'shib olingandi.
- Belarus chempioni to'purari sifatida Qozog'istonga ko'chib o'tdingiz. Ammo "Ordabasi"da ko'p gol ura olmadingiz. Buning sababi nimada?
- Birinchidan, ko'p imkoniyatlardan foydalana olmadim. Ikkinchidan, yangi jamoaga kelganim uchun baribir futbolchilar bilan til topishib ketishda biroz qiynaldim. Lekin asosiysi jamoamiz yakunda o'z oldiga qo'yilgan vazifalarni bajara olganidan xursandman.
- Ikki chempionatni taqqoslay olasizmi?
- O'xshash tomonlari ko'p. Farqi esa Qozog'istonda ko'p klublar besh himoyachi bilan o'ynar, asosiy urg'uni standart vaziyatlarga qaratar ekan.
- Qozog'iston stadionlari haqida nimalar deya olasiz? O'ziz o'ynagan eng yaxshi stadion qaysi bo'ldi?
- Qozog'istonda Belarusa nisbatan suniy maydonlari ko'proq ekan. "Qayrat" va "Tobol"ning uy stadionlari yaxshi holatda edi. Suniy maydon tabiiyga nisbatan qattiqroq bo'ladi, bu esa jarohat olish uchun xavfni oshiradi.
- Bu yil Qozog'iston chempionatining eng yaxshi futbolchisi kim bo'ladi deb o'ylaysiz?
- Menimcha "Ordabasi" etakchisi Asxat Tagribergen eng yaxshi futbolchi bo'lsa kerak. Sababi u nafaqat klubda, balki Qozog'iston terma jamoasida ham yaxshi o'ynadi.
- "Ordabasi" safida eng muhim golingiz qaysi?
- Menimcha "Maqtaaral" bilan o'yinda urgan golim bo'lsa kerak. Sababi o'sha uchrashuvdan avval ikkita o'yinda yutqazib qo'ygandik va taqibchilarimiz ancha yaqinlashib qolishgandi. "Maqtaaral"ga uran golim jamoamga 3 ochko keltirdi va "Astana", "Aktobe" bilan farq yanada kamayib ketmasligiga zamin yaratdi.
- Qozog'iston milliy terma jamoasi Evro-2024 saralashida ajoyib ishtirok etmoqda. Qo'shnilarimizda Evropa chempionatiga chiqish imkoniyati qanchalik deb o'ylaysiz?
- Evropa chempionatiga chiqish imkoniyati yaxshi. So'nggi turda Sloveniyaga qarshi safardagi bahs barchasini hal qilib beradi.
- Bobir Abdixoliqov yangi mavsumda ham "Ordabasi"da qoladimi?
- Barchasi Qozog'iston kubogi finalidan keyin hal bo'ladi. Vaqt ko'rsatadi.
- Terma jamoamiz noyabr oyida JCH-2026 saralashidani o'z yurishini boshlaydi. Turkmaniston va Eron bilan bahslardan g'alaba kutsak bo'ladimi?
- Albatta, Turkmaniston va Eron bilan o'yinlarda g'alaba uchun bor kuchimiz bilan harakat qilamiz. Nasib qilsa muxlislarni xursand qilamiz
- Qozog'istonda futbol jurnalistikasi qay darajada ekan?
- To'g'risi umumiy futbol OAVga etibor qila olmadim. Ammo o'z klubimizda ishlagan matbuot xizmati ajoyib ishladi deya olaman. CHunki "Ordabasi" klubi hayoti ijtimoiy tarmoqlarda alo darajada yoritib borildi.
Bosh sahifaga
298