Coca Cola Superligasi 19-turidan o'rin olgan "Buxoro" — "Olimpik" uchrashuvining 100-daqiqasida "Buxoro" jarima maydonchasi ichida mehmonlar azosi yiqilgach, uchrashuv bosh hakami Komiljon Rasulov 11 metrli jarima zarbasi belgiladi. SHundan so'ng, uchrashuv VAR hakamlari uni monitor yoniga chaqirdi va takrorlarni ko'rib chiqishga chorladi. Bosh hakam esa takrorlardan so'ng ham qarorini o'zgartirmadi va penalti belgiladi.
Natijada, o'yin taqdirini hal qilgan ushbu bahsli vaziyat bo'yicha Ekspert-hakamlar komissiyasining favqulodda yig'ilishi tashkil qilindi va mutaxassislarning umumiy xulosasi olindi. Ekspertlar bir ovozdan penaltining noto'g'ri belgilanganini qayd etishdi.
O'zbekiston futbol associaciyasi Hakamlar qo'mitasi esa Komiljon Rasulov qoidalarga zid qo'pol xatosi tufayli Hakamlar tartib-intizom kodeksining 4.3-bandiga muvofiq futbol hakamligidan umrbodga chetlatildi.
SHu munosabat bilan joriy mavsum Superligada hakamlarning noto'g'ri qaroriga evaziga urilgan (urilmagan) gollar va ularning uchrashuv natijasiga tasiri to'g'risida mulohaza yuritamiz.
"Surxon" - "Andijon" 1:0 (Highlights)
Hakamlar: Rahimbek Karimov, Mahmud Turdiev, Feruz Dostonov, Sanjar Nazarov
VAR: Aziz Asimov
AVAR: Alisher Usmonov
Nazoratchi: Bobur Haydarov
Komissar: Jamshid Imomov
Superliganing 2-turidan o'rin olgan "Surxon" - "Andijon" uchrashuvida ishlagan Rahim Karimov boshchiligidagi hakamlar guruhi bir nechta xatoga yo'l qo'ydi. Jumladan, "Andijon" jamoasining golini inobatga olmadi.
O'zbekiston futbol hakamlar markazi mazkur vaziyatlarni o'rganib chiqdi, hisoblanmagan gol bo'yicha quyidagicha qaror chiqardi:
"Uchrashuvning 63-daqiqasida "Andijon" jamoasi sardori burchakdan etkazib berilgan uzatmani boshi bilan darvozaga kiritadi. Vaziyatni o'rganib chiqgan VAR mehmonlarning 99-raqamli futbolchisi zarba berilgan vaziyatda darvozabonga o'yindan tashqari holatda turib xalal bergani haqida bosh hakamga xabar beradi. Videotakrorni ko'rgan bosh hakam golni bekor qiladi. Aslida, bu vaziyatda VAR hakamlari texnik xato tufayli chiziqlar rangini almashtirib qo'yishgan. Mehmonlarning 99-raqamli hujumchisi o'yindan tashqari holatda emasdi. Natijada: "Hakam gol o'yindan tashqari holatda kiritildi deb qaror chiqargan".
Keyinchalik O'zbekiston futbol associaciyasi Hakamlar qo'mitasining qaroriga binoan bosh hakam Rahimbek Karimovga nisbatan jazo belgilanmaydi. Biroq yordamchi hakam Mahmud Turdievga ogohlantirish, VAR hakami Aziz Azimovga Superligada bosh hakam sifatida 4ta, VAR hakami sifatida 8ta uchrashuvdan chetlatish, AVAR hakami Alisher Usmonovga Superligada yordamchi hakam sifatida 4ta, AVAR hakami sifatida 8ta uchrashuvdan chetlatish intizomiy choralari qo'llanildi.
"Paxtakor" - "Navbahor" 2:1 (Highlights)
Bosh hakam: Akobirxo'ja SHukurullaev
Qanot hakamlari: Sardor Nishonboev, Avaz Abdullaev
Zaxira hakami: Sultonmurod Abdurahmonov
VAR hakami: Rustam Lutfullin
AVAR hakami: Ziyodullo Abdurahmonov
Nazoratchi: Oleg Dachev
Komissar: Bekzod Aripov
Superliganing 3-turidan o'rin olgan "Paxtakor" - "Navbahor" uchrashuvidagi bahsli vaziyatlar Ekspert-hakamlar komissiyasi tomonidan ko'rib chiqildi.
Komissiya xulosasiga ko'ra, uchrashuvning 19-daqiqasida "Paxtakor" darvozasiga ikki marotaba ham penalti belgilanmasligi, 71-daqiqada poytaxtliklar himoyachisi SHahzod Azmiddinov maydondan chetlashtirilishi lozim edi.
O'zbekiston futbol associaciyasi Hakamlar qo'mitasi esa mazkur uchrashuv bosh hakami Vadim Agishevga 6 tur uchrashuvlaridan chetlashtirish, VAR hakami Firdavs Norsafarovga VAR hakami sifatida 4 tur uchrashuvlaridan chetlashtirish, AVAR hakami Baxtiyorxo'ja SHavkatovga nisbatan VAR hakami sifatida 4 tur uchrashuvlaridan chetlashtirish intizom chorasini qo'lladi.
"Turon" — "Bunyodkor" 1:2 (Highlights)
Bosh hakam: SHavkat Nasibullaev
Yordamchi hakamlar: Mahmud Turdiev, Feruz Dostonov.
Zaxira hakami: Isroil Imomnazarov
VAR: Rahimbek Karimov
AVAR: Maksim Nexochin
Nazoratchi: Nabijon Ro'zimov
Komissar: Davron Ibrohimov.
Superliganing 17-turidan o'rin olgan "Turon" — "Bunyodkor" uchrashuvida mehmonlar futbolchisi Farhod O'tkirovning toza goli o'yindan tashqari holat sifatida qayd etildi. Ushbu vaziyatida nazoratni qo'ldan chiqargani va o'yindan tashqari holatni qayd etmagani sababli, uchrashuv yordamchi hakami Feruz Dostonov aybdor deb topildi va qo'mita unga nisbatan Superliga bahslaridan 4 ta o'yinga chetlatish va quyi ligaga tushirish jazosini qo'lladi.
"Neftchi" — "Andijon" 0:0 (Highlights)
Bosh hakam: Akobirxo'ja SHukurillaev
Qanot hakamlari: Sardor Nishonboev, Jasur Rustamov
Zaxira hakami: Sultonmurod Abdurahmonov
Nazoratchi: Igor Nechoxin
Komissar: SHerzod Rajabov
Superliganing 18-turidan o'rin olgan "Neftchi" — "Andijon" uchrashuvida farg'onaliklar tomonidan urilgan gol inobatga olinmaydi. Bu vaziyatda qanot hakami Sardor Nishonboev xatoga yo'l qo'ygan. Ushbu xato esa natijaga tasir o'tkazdi. Vaziyatni o'rganib chiqqan uchrashuv nazoratchisi bu holatda birinchi yordamchi hakamni aybdor deb topdi va unga qoniqarsiz baho qo'yganini tasdiqladi.
OKMK — "So'g'diyona" 3:2 (Highlights)
Hakamlar: Ibrohim Ismoilov, Ruslan Samandarov, Obid Jumaev, Isroil Imomnazarov
VAR: Asker Najafaliev
AVAR: Amir Galeev
Nazoratchi: Mamur Saidqosimov
Komissar: SHohruh Said
Superliganing 21-turidan o'rin olgan OKMK — "So'g'diyona" uchrashuvining 67-daqiqasida bosh hakam OKMK darvozasiga penalti belgiladi va mezbonlar himoyachisi Sardor Rahmonovni maydondan chetlatdi. O'zFHM ekspert-hakamlar komissiyasi esa to'qnashuvni tabiiy holat deb hisobladi va belgilangan penaltini noto'g'ri qaror deya baholadi.
"Buxoro" — "Paxtakor" 0:1 (Highlights)
Hakamlar: Ravshan Abduvohidov, SHohnur Yo'ldoshev, Sardor Hakimov, Jahongir Noraliev
VAR hakami: Nayim Qosimov
AVAR: Jasur Rustamov
Nazoratchi: Bobur Haydarov
Komissar: Diyor Xotamqulov
Superliganing 23-turidan o'rin olgan "Buxoro" — "Paxtakor" uchrashuvining 90+5 daqiqasida bosh hakam Ravshan Abduvohidov mezbonlar darvozasi tomon penalti belgilandi, natijada Toshkent jamoasi safardan 3 ochko bilan qaytdi. O'yin taqdirini hal qilgan ushbu vaziyat bo'yicha Ekspert-hakamlar komissiyasining favqulodda yig'ilishi tashkil qilindi va mutaxassislarning umumiy xulosasi olindi.
Unga ko'ra, o'yin natijasiga tasir o'tkazgan penaltini noto'g'ri holatda belgilagan bosh hakam Ravshan Abduvohidov va VAR hakami Nayim Qosimovning VAR licenziyalari qaytarib olindi. Ularning ishi O'FA futbol faoliyatini nazorat qilish bo'yicha maxsus inspekciyasiga oshirildi. SHuningdek, ikkala hakam ham nomuayyan muddatga hakamlikdan chetlatildi. Scenariysi xuddi xuddi kechagi o'yinni eslatib yuboradigan uchrashuv hakamlariga qanday jazo tayinlanishi juda qiziq.
Bosh sahifaga
106