Qarshi mezbonlik qiladigan bahsda "Nasaf" va OKMK jamoalari bosh sovrin uchun maydonga chiqishadi. Olmaliqliklar uchun kubok finalida o'ynash begona holat hisoblanmaydi. 2018 yil musobaqaning finaliga etib kelgan "konchilar" "Paxtakor"ni taslim qilgandi. Aynan shu bahsda gol muallifiga aylangan futbolchi Zohir Pirimov ertangi bellashuv oldidan fikrlari bilan o'rtoqlashdi.
Nasaf O'zbekiston kubogi . 4-tur 12/11/2023, 17:00 OKMK
- O'zbekiston kubogi finalida imkoniyatlarni 50/50 deb baholagan bo'lardim. CHunki final bitta o'yindan iborat bo'lgani uchun yaxshi tayyorgarlik bilan har qanday jamoa yutib ketishi mumkin. O'ylashimcha, OKMK yaxshigina kurash taklif qiladi, bunga shubham yo'q, chunki o'rtada OCHL yo'llanmasi turibdi. Olmaliq jamoasi finalga optimal tarkibda etib kelish uchun ham futbolchilarni asradi.
- OCHL o'yinlarini kuzatdim. OKMK ruhan tiklanishga qiynalishi mumkin, chunki safarda juda qiyin o'yin o'tkazib keldi, "Nasaf" esa uyda o'ynadi. Tiklanish nisbatan engilroq kechishi mumkin. Finalda nisbatan ehtiyotkor o'yin ko'rsak kerak. Yuqorida aytganimdek, g'alabani qadri juda baland. Yutgan jamoa keyingi yil xalqaro maydonda harakat qiladi.
- 2018 yilgi kubok finali yodimdan chiqmaydi. Final oldidan "Paxtakor" favorit edi, lekin bizda motivaciya kuchli bo'lgan, chunki men va ko'pchiligimiz uchun birinchi final hisoblanardi. Bitta o'yinga yaxshi tayyorgarlik bilan yutish mumkinligini isbotlagandik. Farg'onadagi finalda bizda hech qanday bosim yo'q edi. Omad bizga kulib boqqan.
Bosh sahifaga
106