Pochettino o'yindan so'ng Gvardiolaga qo'l bermadi, u buning o'rniga hakam bilan bahslashishga ketdi. "CHelsi" murabbiyi o'yin juda erta yakunlandi deb hisobladi

Murabbiy APL doirasidagi "CHelsi" – "Manchester Siti" (4:4) o'yinidan so'ng hamkasbiga qo'l berish o'rniga Entoni Teylor boshchiligidagi hakamlarga noroziligini bildirish uchun maydonga yo'l oldi.

Pochettinoning fikricha hakam o'yinni juda erta yakunlagan. "CHelsi" murabbiyi hakamga baqirib qo'llarini ko'tardi.

Gvardiola esa hamkasbidan xafa bo'lmadi.

"Hammasi joyida. Bu his-tuyg'ular. Men pashshadan fil yasashni istamayman", – dedi "Manchester Siti" murabbiyi.