Yakunda xato qarori sabab hakamlikdan bir umrga chetlatilgan Komiljon Rasulov saytimizga bergan intervyusida o'sha vaziyatni batafsil izohladi.
- "Buxoro" - "Olimpik" uchrashuvida hakamlik qildim. Barcha menga nega penalti belgilaganimni so'ramoqda. VAR monitori yonida bo'lib turgan vaqtim, "Buxoro" jamoasining o'rindiqlari tomonida haqoratlar eshitildi. Mening qizimni so'kishganini eshitdim. Ushbu holat menga juda alam qildi va shu sabab nima vaziyat bo'lganda ham penalti qo'yishga qaror qildim. Aynan kim so'kganligini aniqlay olmadim. Men penalti qo'yishga qaror qildim va maydonga qaytib hushtak chaldim. O'sha vaziyatda penalti 100 foiz yo'q edi. Men xato qildim va o'zimni oqlamoqchi emasman. Hakamlikka 10 yil umrimni sarflaganman, lekin ota sifatida qarorimdan afsuslanmayman. Rahbariyatning qarorini hurmat qilaman va ularga etirozim yo'q. "Buxoro" muxlislaridan uzr so'ramayman. Men qasam ichib ayta olamanki "Buxoro" - "Olimpik" uchrashuvida menga pul taklif qilinmagan.
Bosh sahifaga
818