2025/26 yilgi mavsumdan boshlab UEFAning harajatlarni nazorat qilish qoidasiga ko'ra, klublarning futbolchilar va murabbiylar shtabi maoshlari, transferlar va agentlik to'lovlari uchun harajatlari yillik daromadning 70 foizidan oshmaydi. Bu mavsumda limit 90%, keyingi mavsumda esa 80% gacha tushadi.
Hozircha joriy mavsum CHempionlar ligasida ishtirok etayotgan klublarning uchdan bir qismi daromadi 70 foizlik chegaradan oshib ketmoqda. Ular 2025/26 yilgi mavsum boshlanishidan oldin vaziyatni to'g'irlashlari kerak.
Misol uchun, "Atletiko" klub daromadi yiliga 377 million evro darajasida qolsa, kelasi mavsumda maosh harajatlarini 320 dan 301 million evroga, 2025/26 yilgi mavsumda esa 264 million evrogacha kamaytirishi kerak.
Limitdan oshib ketish xavfi bor klublar qatoriga “Real Sosedad”, “Lacio”, “Napoli”, “Lans” va PSJ kabi jamoalar kiritilgan. SHuningdek, hozirda ushbu standartga javob beradigan yagona APL jamoasi "Arsenal" ekanligi qayd etilgan.
Bosh sahifaga
1024