Nyu-Yorkdagi Sotheby’s aukcionida argentinalik hujumchi 2022 yilgi jahon chempionatida o'ynagan 6 ta futbolka kim oshdi savdosiga qo'yiladi. To'plamda guruh bosqichining ikkita o'yini, 1/8 final, chorak final, yarim final va finalning birinchi yarmidan olingan Messining futbolkalari joy oladi.
Futbolkalar to'plamining yakuniy narxi kamida 10 million dollar (8 million funt) bo'lishi kutilmoqda. Hozirda sport bilan bog'liq eng qimmat buyum Maykl Jordanning 1998 yilgi NBA finalidagi 1-o'yin formasi hisoblanadi. U kimoshdi savdosida 8,1 million funt sterlingga sotilgan edi.
Diego Maradonaning JCH-1986 chorak final libosi anonim xaridorga 7,1 million funt sterlingga tushgan.
“2022 yilgi futbol bo'yicha jahon chempionati sport tarixidagi eng buyuk voqealardan biri Messining qahramonlik yo'li bilan uzviy bog'liq bo'lib, uning barcha davrlarning eng buyuk futbolchisi maqomini mustahkamlaydi.
Ushbu oltita futbolkaning sotilishi kim oshdi savdolari tarixidagi monumental voqea bo'lib, muxlislar va kollekcionerlarga Messining karerasini belgilovchi yutug'idan baham ko'rish imkoniyatini beradi. Sotheby’s kompaniyasi futbol mukammalligi chegaralarini qayta belgilagan o'yinchining ajoyib istedodini o'zida mujassam etgan ushbu bebaho kollekciyalarni ommaga taqdim etishni sharaf deb hisoblaydi", - dedi Sotheby’s zamonaviy kollekciyalar bo'limi rahbari Bram Vaxter.
Qayd etilishicha, Messining futbolkalari kollekciyasini sotishdan tushgan mablag'ning bir qismi xayriya ishlariga yo'naltiriladi.
Bosh sahifaga
117