- Ikki xil taym bo'ldi. Ikkinchi bo'limda yaxshiroq harakat qildik. Asosiysi - yomon o'tkazgan birinchi bo'limdan keyin hech kim qo'lini tushurmadi va oxirigacha kurashdi. Jamoadoshlarimning barchasi ham xursand emas, chunki hammamiz g'alabani ko'zlagandik. Bir ochko ham yomon natija emas, yomon o'yin ko'rsatmadik.
- Turkmaniston termasiga qarshi o'yinda ham bugun ham O'zbekiston termasi xarakter ko'rsata oldi. Bu yigitlarning xarakteri bilan bog'liqmi yoki Katanec motivatormi?
- Murabbiy ham doimo taslim bo'lmaslikni aytadi. Bizda ajoyib jamoa bor, buni futbolchilar ham tushunib turibdi. Oxirigacha kurashishga kelishib olganmiz. Bu shunchaki gap bo'lib qolmayapti va futbolchilar buni maydonda namoyish qilishga harakat qilishmoqda.
- Birinchi bo'limdan keyin kiyim almashtirish xonasida qanday ko'rsatmalar bo'ldi?
- Barchada ishonch etarlicha edi. Hech kim 0:2 yutqazyapmiz, hammasi tugadi degani yo'q. Barcha o'ziga ishondi. Aytganimdek, g'alabani istagandik.
- Eldor SHomurodovning termadagi funkciyasi o'zgardi desak bo'ladimi?
- Bu jamoaviy o'yin, unda bu ishni kim qilishi muhimmas. Jamoada kim gol uradi, kim assist bo'ladi, menga farqi yo'q. Muhimi g'alaba.
- Ikkinchi bo'limda hakam Eron tomonga yonbosgandek ko'rindi. Bu raqiblarning provakaciyalari bilan bog'liqmi?
- Eron yutib turgan payti vaqtni cho'zishga, hisobni ushlashga harakat qildi va provakaciyalar qildi. Biz esa bunga uchmasdan o'z o'yinimizni ko'rsata oldik.
Bosh sahifaga
192