O'yin haqida
- Ko'p vaziyatga ega bo'ldik. Gol urishimiz mumkin edi, ammo buni uddalay olmadi. OKMK o'z imkoniyatidan foydalandi va g'alaba qozondi. Muxlislarga barchasi uchun rahmat aytmoqchiman. Keyingi mavsum bizga sabr kerak bo'ladi. Yana Superligaga qaytish uchun mehnat qilish kerak. Hayot esa davom etadi. Keyingi yil yana Superligaga qaytishni maqsad qilamiz.
- Sanjar Tursunovning goli haqidagi fikringiz?
- U vaziyatda fol bor yoki yo'q buni aniq ayta olmayman, ammo raqib o'yinchisi maydonda yotganda jamoa feyr-pleyga amal qilishi kerak deb o'ylayman. Feyr-pley esa bo'lmadi, balki ular ko'rmay qolishgandir. Bilmadim, to'g'risi. SHaxsiy fikrimcha, feyr-pleyga amal qilish kerak edi. Sobiq futbolchi sifatida shundan fikrdaman.
- "Buxoro" muxlislarini hozir bir savol qiynamoqda. Ulug'bek Bakaev keyingi mavsum ham jamoada qoladimi? Jamoa rahbariyati bilan shu masala bo'yicha gaplashib oldingizmi?
- Bizda shartnoma bor. Men jamoani Pro ligaga tayyorlayman va Superligaga olib chiqishga harakat qilaman.
- Yordamchilaringiz ham jamoada qolishadimi?
- Bilmadim. Kimdir keladi, kimdir ketadi. Bu savollarga hozir aniq javob berish qiyin.
Bosh sahifaga
183