Jahon chempionatlaridagi ishtirok
Franciyalik o'smirlar sakkizinchi marotaba o'z yosh toifasidagi mundialda ishtirok etmoqda. "Temir xonim" qad rostlagan mamlakat vakillari 2001 yil Trinidad va Tobago yashil maydonlarida o'tkazilgan turnirda shohsupaga ko'tarilishgan. So'nggi musobaqada esa uchinchi o'rin sohibiga aylangan.
Saralash bosqichi
Franciya Evropa chempionati orqali mundial yo'llanmasini qo'lga kiritgan besh jamoadan biri bo'ldi. Guruh bosqichida SHotlandiya (3:1), Germaniya (1:3), Portugaliya (1:1) bilan qarama-qarshilikda 2-o'rinni egallagan francuzlar chorak finalda Angliya (1:0), yarim finalda esa Ispaniya (3:1)ni taslim etdi. Qita turniri finalida esa Germaniya bilan asosiy vaqtda 0:0 hisobidagi durangni qayd etdi, biroq penaltilar seriyasida (4:5) imkoniyatni boy berib qo'ydi.
Tarkib
Jan Lyuk Vannuki mundialga quyidagi futbolchilarni chaqirdi:
Darvozabonlar
ERGNI Pol (Gavr), NIFLOR Matis (Tuluza), VIEL Timote (Ayachcho).
Himoyachilar
TITI Ivann (Troya), SANGUI Nhoa (Reyms), MEUPIYU Bastien (Nant), KAY SANDA Yoaxim (Valansen), ZAGE Yoram (PSJ), SADI Aymen (Valansen), TCHAPCHET Artur (Reyms)
Yarim himoyachilar
FERRO Nolan (Strasburg), BUABRE Saymon (Monako), BUNEB Ismoil (Valansen), SILLA Fode (Lans), AMUGU Matis (Sent-Eten).
Hujumchilar
ISSUFU Yanis (Monpele), LAMBURD Matis (Renn), GOMIS Tidiam (Kan), DIALLO Tidian (Strasburg), BUSHENNA Muhammad-Amin (Klermont), TINKRES Joan (Monako).
Joriy musobaqadagi ishtirok
Ishtirokini "E" guruhidan boshlagan Franciya Burkina-Faso (3:0), Janubiy Koreya (1:0) va AQSH (3:0)ni mag'lub etib, peshqadam sifatida pley-offga yo'l oldi. Nimchorak finalda esa ular Senegal bilan 0:0 hisobi qayd etdi, biroq penaltilar seriyasiga ko'ra ustun keldi. SHuni takidlash joiz, O'zbekistonning bo'lajak raqibi hozirga qadar asosiy vaqt davomida o'z darvozasidan birorta to'p o'tkazib yubormadi.
O'zbekistonga qarshi o'yin oldidan Franciya U-17 murabbiyi qanday fikrda?
"O'zbekiston qanday o'yin namoyish etishini bilmayman. Ular biz uchun yangicha jamoa sanaladi. O'zbekiston Angliyani mag'lub etgan bo'lsa, bu ularning kuchli jamoa ekanligidan dalolat beradi. Bo'lajak raqibimiz ishtirokida o'yinlarni tomosha qilyapmiz.
Senegalga qarshi o'yinda nazoratni qo'lga olganimizga qaramay, to'pni ko'p marotaba yo'qotdik. Keyingi bellashuvda bunday holatga yo'l qo'ymasligimiz shart.
Uchrashuvda har qanaqa vaziyat bo'lishi mumkin. SHu bois, mashg'ulotlarda har qanday scenariydagi holatga tayyorgarlik ko'ramiz", - dedi Jan Lyuk Vannuki.
Eslatib o'tamiz, U-17 jahon chempionati chorak finalidan o'rin olgan Franciya — O'zbekiston uchrashuvi Toshkent vaqti bilan soat 13:30 da start oladi.
Oqil Abdubarnoev tayyorladi.
Bosh sahifaga
466