"Muxlislar uchun o'ynadik, chunki guruhdan chiqish imkoniyatimiz mavjud emasdi. Stadion to'lgani ham bizga dalda bo'ldi. O'ylashimcha, yaxshi o'yin namoyish etdik. Imkoniyatimiz darajasida qarshilik ko'rsatishga harakat qildik.
Yulduzlarga qarshi hayajon bo'lmagan va bo'lmaydi ham. Albatta, nomdor futbolchilarga qarshi o'yin ko'rsatish yoqimli. Bu faqat biz uchun emas, muxlislar uchun ham zavq bag'ishlaydi. Uchrashuvda tomoshabinlarning ko'pligidan xursandmiz. Futbol — muxlislar uchun, shu bois, mazkur bahs ishqibozlarga manzur keldi, deb o'ylayman.
Mavsum yakuniga etgach, kelgusi faoliyatim to'g'risida o'ylab ko'raman. Klub bilan shartnomam mavsum so'ngiga qadar tuzilgan. Hali chempionatda "Nasaf"ga qarshi muhim uchrashuv bizni kutib turibdi. Superliga yakuniga etgach, takliflarni ko'rib chiqishim mumkin. 2-3 klubdan taklif bor. Ehtimol, yangilik bo'lib qolishi mumkin", – dedi 36 yoshli futbolchi.
Eslatib o'tamiz, OKMK qita musobaqasi guruh bosqichidagi so'nggi uchrashuvini 4 dekabr kuni "Eyr Fors"ga qarshi o'tkazadi.
Bosh sahifaga
371