"Avvalambor, stadionga tashrif buyurgan muxlislarga minnatdorchilik bildiraman. So'nggi besh yil ichida ilk marotaba ko'plab tomoshabinlar bilan jozibadorlik kasb etgan o'zgacha atmosfera guvohiga aylandim. Bugun jamoaviy uslubda yilning eng yaxshi o'yinlaridan birini o'tkazdik. 0:9 hisobidan keyin ko'plab tanqidlarga duch keldik. Futbolda bunday hodisa bo'lib turadi, bunga bahona keltirmoqchi emasman. Bizga eng katta kuchni stadionni to'ldirgan ishqibizolar berishdi.
Benzemadek yulduz futbolchilarni quriqlash mobaynida dastlab hayajon bo'ldi. SHunga qaramay, bunday o'yinchilarga qarshi ikki hissa ko'proq kuch bilan maydonga chiqasiz. Ular chindan mohirona o'yin namoyish etishadi. Biroq hayajonni engib, imkon darajasida qarshilik ko'rsatdik.
Hozirgi holatda chempionatda muhim uchrashuv bizni kutib turibdi, undagi g'alaba sovrindorlar qatoridan o'rin olishimizni taminlaydi. Biroq bugunga qadar bu haqda o'ylaganimiz yo'q. "Al Ittihod"ga qarshi bahsda tomoshabinlar soni ko'p bo'lishini bilardik, shu bois ularga manzur bo'ladigan o'yin namoyish etishga harakat qildik. "Nasaf"ga qarshi bellashuv haqida endi bosh qotiramiz. Xudo xohlasa, muxlislarimizni xursand qilishga harakat qilamiz.
Xorijdan takliflar kelmoqda. Biroq klub bilan 31 dekabrga qadar shartnomam bor, kelajagim to'g'risida keyinroq o'ylab ko'raman", – dedi 29 yoshli futbolchi.
Bosh sahifaga
375