Futbol jamoatchiligi, muxlislar, OAV futbolchilarni ko'tarinki ruhda kutib oldi. Mazkur jarayon davomida terma jamoa etakchisi Ollobergan Karimovning fikrlari bilan qiziqdik.
"Bunday darajadagi musobaqada birinchi marotaba qatnashdik. Futbolchilar uchun barcha sharoitlar yaratib berildi. Jahon chempionatini muvaffaqiyatsiz boshlaganimizga qaramasdan, guruhdan chiqishni uddaladik. CHorak finalda g'oliblik uchun asosiy davvogar Angliyani mag'lub etdik. Ishonsangiz, chorak final o'yinidan so'ng mehmonxonada, muxlislarda munosabat o'zgardi. Hurmat qilgan holda dastxatlar so'rashdi, suratlarga tushishdi. Bu albatta yoqimli holat. Franciya bilan o'yinda omadimiz kelmadi.
Avvalgi Hindistondagi U-17 Jahon chempionatini Xorazmda televizordan ko'rganman. O'shanda vaqti kelib kichik mundialda O'zbekiston sharafini himoya qilish xayolimga ham kelmagan. O'zimga o'zim savol berardim, men ham o'ynaymanmi? Xudoga shukur nasib qildi. Bundan xursandman", – deydi Ollobergan Karimov.
Bosh sahifaga
496