Himoya qo'rg'onida ishonchli o'yin ko'rsatgan va muxlislar etirofiga sazovor bo'lgan Dilshod Abdullaev Jahon chempionati hissiyotlari bilan bo'lishdi.
"Jahon chempionatida o'ynash har bir futbolchining orzusi. U erdagi muhit, maydonlar, raqiblar umuman boshqa darajada. Bizning guruh eng kuchlisi edi. Oddiy jamoalar, deb bo'lmasdi.
Ilk turdan so'ng futbolchilar o'zaro barchasini kelishib oldik. Bizni faqat g'alaba qoniqtirardi. Kanada, Ispaniya, Angliya bilan uchrashuvlarda o'zimizga ishonch ortib bordi. Franciyadan qo'rqmadik va g'alaba uchun harakat qildik. Maydonda raqib kim bo'lishi ahamiyatsiz edi, ortga yo'limiz qolmagandi. Tarix yaratmoqchi edik, o'xshamay qoldi.
Bungacha bosib o'tilgan yo'lda murabbiylarimga, qolaversa, ekran ortida har bir o'yinimizni hayajon bilan kuzatgan Nodirxo'ja aka Yuldashevga alohida katta rahmat aytaman. Bizni 2 yil davomida tayyorlagan terma jamoa murabbiylariga, O'FAdagi xodimlarga ham tashakkurimni bildirib qolaman", – deydi Dilshod Abdullaev.
Bosh sahifaga
104