Muhammadyusuf Sobirov: "Franciya bilan o'yin so'nggi daqiqalarida imkoniyatni qo'ldan boy berganimiz alamli bo'ldi"

Saytimiz muxbiri Abdulaziz Iskandarov mazkur jarayonda darvozabon Muhammadyusuf Sobirovning fikrlarini tingladi. 

"Bizni kutib olgan barcha xodimlarga katta rahmat. Jahon chempionatidagi o'yinlar osondek o'tgan bo'lishi mumkin, lekin yutgan o'yinlarimizda ham katta kuch sarfladik. Bundan ham yaxshi natija ko'rsatishni maqsad qilgan edik, omadimiz kelmadi. Keyingi Jahon chempionatlarda bu natijani yaxshilashga harakat qilamiz. 

Franciya bilan o'yindan so'ng imkoniyatni qo'ldan boy berganimiz alamli bo'ldi. Bunday paytda tabiiyki ko'zga yosh keladi. Jahon chempionatidagi har bir uchrashuvda vatanimiz shani va g'ururi uchun maydonga chiqdik. Ortimizda turgan odamlar ko'z oldimizga keldi, chunki so'nggi daqiqalardagina gol o'tkazib mag'lub bo'ldik", – deydi Muhammadyusuf Sobirov.