So'rovda Transfermarkt'ning rus bo'limi va Championat.Asia xodimlari ishtirok etishdi. Mehmon ekspert O'zbekiston milliy terma jamoasi, bir qator O'zbekiston va Qozog'iston klublarining sobiq futbolchisi, hozirda O'zbekiston Futbolchilar uyushmasi raisi Kamoliddin Murzoev bo'ldi.
Timur Kapadze noyabr-dekabr oylarida Superliganing eng yaxshi murabbiyiga aylandi. Uning qo'l ostida "Olimpik" beshta o'yinda uchta g'alabaga erishdi, jumladan, chempionat etakchilari "Neftchi" va "Navbahor" klublarini mag'lub etdi. Kapadze 71% ovoz to'pladi.
Oyning eng yaxshi futbolchisi Jasur Jaloliddinov bo'ldi. U "Olimpik" uchun beshta o'yinda qatnashib, ikkita gol urdi va ikkita golli uzatmani amalga oshirdi va 52% ovoz to'pladi. Jaloliddinov to'rtta o'yinda "gol+pas" tizimi bo'yicha 2+2 (43% ovoz) qayd etgan "Surxon" hujumchisi Silvanus Nimelidan bor-yo'g'i ikki ovozga o'zib ketdi.
Bosh sahifaga
437