Uning "Navbahor", "Qizilqum", "Turon" darvozasiga urgan gollari g'alabalarda asosiy rolni o'ynadi.
- "Andijon" avvalgi yillarga nisbatan solishtirganda juda yaxshi natijani qayd etdi. Ham jamoaviy, ham individual ko'rsatkichlardan kelib chiqsak, mavsum qanday o'tdi?
- To'g'ri aytdingiz. "Andijon" uchun bu yil kutilganidanda yaxshi taassurotlar bilan yodda qoldi, chunki oxirgi natijalarga qaraydigan bo'lsak, jamoa ligada jon saqlash uchun kurashib kelgan. "Andijon" Superligada qoladimi qabilidagi savollar yuzaga kelar, matematik hisob-kitoblarga ko'p yuzlanishardi. Bu yil juda zo'r natija qayd etdik. Jamoa bilan boshidan yaxshi niyat qilgandik. Kamida 8-o'rindan yuqorini ko'zlagandik. Buning uchun bonuslar ham bor edi. Harakat qildik va muxlislarni xursand qila oldik.
- Oxirgi yillarda faoliyatingizda barqarorlik etishmayotgandi. Ilhom Alijonov "Andijon"da o'zini qayta kashf qildimi?
- SHunday desak ham bo'ladi. 2-3 ta gollar urdim, assistlar amalga oshirdim. Oldingi yillarga qaraganda barchasi o'xshadi.
- "Andijon" uyda "Navbahor", "Paxtakor" kabi kuchli jamoalardan ustun keldi. Mana shu o'yinlarda mezbonlar haqiqatan kuchlimidi yoki shunchaki ishtiyoq evaziga bu natijalar qayd etildimi?
- O'sha paytga kelib jamoamiz ancha shakllanib bo'lgan edi. Mavsum boshidan beri bir-birimizni tushunishimiz yaxshi darajaga chiqqan vaqtda chempionlik uchun kurashayotgan jamoalar ro'baro' kelib qoldi. Qolaversa, muxlislarning qo'llab-quvvatlashi ham foyda keltirgandi. Ular oxirgi soniyagacha chekinmasligimizga va oldinga borishimizda dalda bo'lishdi.
- "Andijon"ning albaniyalik hujumchisi Rubin Xebay legioner maqomiga mosligini isbotlay oldimi?
- Nafaqat maydonda, mashg'ulotlarda ham bu yaqqol sezildi. Xebay O'zbekiston darajasidan yuqori hujumchi. Bitta menda emas, barchada yaxshi taassurot qoldirdi.
- "Andijon" uchun mavsumdagi eng qadrli va eng yomon o'yin bo'ldimi?
- "Qizilqum"ga qarshi Navoiyda 0:3 hisobida mag'lub bo'lganimiz eng yomon o'yin bo'ldi. Uyda "Navbahor" bilan hisobda ortda borayotib yakunda yutib ketganimiz eng yaxshi o'yinimiz edi. O'sha o'yinda gol ham urgandim. Bundanda qadrli gol hali bo'lmagandi.
- Keyingi mavsumdan nimalar kutyapsiz?
- Muhimi, yilni yaxshi o'tkazib oldik. "Andijon" bilan shartnomam bor. Boshqa jamoalardan ham takliflar yo'q emas. Dekabr oyi yakunigacha bir qarorga kelamiz.
Abdulaziz Iskandarov suhbatlashdi
Bosh sahifaga
507