LaLiga. "Barselona" "Sevilya"ni mag'lub etdi va jadvalda "Real"dan o'zib ketdi

UCHRASHUV YAKUNLANDI!

90. Uchrashuv asosiy vaqtiga 4 daqiqa qo'shib berildi.

86. GOOOL! MESSI! Moriba bilan devor uslubida o'ynagan Leo qarshisidagi yana bir raqibni aldab o'tdi va darvozabonni ham dog'da qoldirdi. 0:2!

83. Ennesiri raqib maydonchasida yiqildi, biroq hakam ofsayd yo'qligini aytdi.

82. O'zgarish: Dembele o'rniga Breytueyt, jarohat olgan Arauxo o'rniga ,mtiti maydonga tushdi.

80. GOOOL! YO'Q! Ennesiri to'pni o'ziga to'g'irlashda qo'lini ishga soldi va shundan so'ng darvozani ishg'ol qildi. Hakam golni hisobga olmadi.

79. LANGLEEEE! Messining ajoyib uzatmasidan so'ng Kleman boshi bilan darvozaga zarba berdi, ammo to'p ustun yonginasidan o'tib ketdi. Buning ustiga ofsayd ham bor ekan.

71. "Barselona" safida o'zgarish: Pedri o'rniga Moriba maydonga tushdi.

68. GOL! YO'Q! Messining uzatmasi paytida Langle ofsaydda turgan ekan, shu sababli Klemanning goli hisobga olinmadi.

60. Dembele raqibni aldab, to'pni Messining yo'liga tashlab berdi, Leo esa zarbada xatoga yo'l qo'ydi. Aslida bunday vaziyatlarda futbolchilar aks rollarda bo'lishardi.

59. ZARBAAAA! Dembele zarbasini "Sevilya" himoyachilari qaytarishdi, qaytgan to'pga Dest kuchli zarba berdi, to'p esa ustunga tegib qaytdi.

52. "Barselona" ikkinchi golni urishga yaqin keldi, ammo Xordi Alba qanotdan uzatilgan to'pga eta olmadi.

51. Navas o'zining sevimli qanotidan hujum uyushtirdi va chap oyog'i bilan darvozani ishg'ol qilishga urindi. Ter SHtegen esa to'pni osonlik bilan egallab oldi

47. Sariq kartochka. Karim Rekik qo'pol o'ynagani uchun ogohlantirildi. Qizig'i - Rekik sariq kartochkasi bor Diego Karlos o'rniga maydonga tushgandi.

46. Ikkinchi bo'lim boshlandi.

TANAFFUS

45. Birinchi bo'limga 1 daqiqa qo'shib berildi.

44. Messi yana qoida buzdi, biroq bu safar qarshi hujumni to'xtatdi, ammo hakam kartochka ko'rsatgani yo'q.

42. Messi juda xavfli o'ynagani uchun sariq kartochka oldi. Leoning jahli chiqqan ko'rinadi.

38. Diego Karlos Messiga nisbatan qo'pol o'ynagani uchun sariq kartochka bilan ogohlantirildi.

35. "Barselona" joriy mavsum ilk marotaba to'psiz juda yaxshi o'ynayapti. Ronald Kumanning mehnati asta-sekin ko'rinmoqda.

33. Ter SHtegen pas berishda xatoga yo'l qo'ydi va Papu Gomes to'pni egallab oldi, ammo uning uzatmasidan so'ng to'pni darvozabon egallab oldi va xatosini to'g'irladi.

29. GOOOOL! USMON DEMBELE! Messi ajoyib uzatma orqali Dembeleni raqib darvozaboni bilan deyarli birga-bir vaziyatga chiqardi va Usmon to'pni darvozabon oyoqlari ostidan o'tkazib, darvozani ishg'ol qildi.

26. "Barselona"ning yosh futbolchisi hisoblangan Mingesa va Kataloniya klubi sobiq o'yinchisi Rakitich o'rtasida kelishmovchilik paydo bo'ldi. Hakam ularni yarashtirib qo'ydi.

22. Dembele qarshisidagi bir himoyachiga nisbatan aldash harakatlarini ishlatdi va chap oyog'i bilan raqib darvozasini uzoq burchagini nishonga olishga urindi, biroq Bunu to'pni egallab oldi.

19. Ikkala jamoa ham golga tortadigan birorta hujum tashkil qila olgani yo'q. O'yinda tenglik hukm surmoqda.

16. Ayni damda "Sevilya" sobiq futbolchisi Antonio Puerta sharafiga qarsak chalinmoqda. Albatta faqat zaxiradagi futbolchilar ijrosida.

11. Rakitichning "Barselona" jarima maydonchasiga uzatgan to'piga birinchi bo'lib Ter SHtegen etib keldi va raqib hujumini bartaraf etdi.

4. Turnir jadvaliga etibor bersak, "Barselona" 50 ochko bilan 3, "Sevilya" esa 48 ochko bilan 4-o'rinni egallab turibdi. Biroq "Ramon Sanches Pisxuan" egasi bitta o'yin kam o'tkazgan.

1. "Ramon Sanches Pisxuan" stadioniga xush kelibsiz! Uchrashuv boshlandi.

"Sevilya" – "Barselona"

20.15, "Ramon Sanches Pisxuan"

"Sevilya" – Bunu, Navas, Kunde, Diego Karlos, Eskudero, Jordan, Rakitich, Fernando, Gomes, Munir, de Yong.

"Barselona" – ter Stegen, Langle, Mingesa, Alba, Dest, Dembele, de Yong, Pedri, Buskets, Pike, Messi.