Eslatib o'tamiz, 2017 yilgi mavsumda ham Oliy ligada 16 jamoa ishtirok etayotgandi. Keyinchalik 2018 yilda jamoalar soni 12taga tushirildi. 2019 yildan 2023 yilga qadar jamoalar soni 14tani tashkil qilib kelayotgandi.
2025 yildan etiboran yana ligada 16 jamoa ishtirok eta boshlaydi.
"Superliganing 2024 yilgi mavsumida 14 ta jamoa g'oliblik uchun raqobatlashadi. Yakunda so'nggi o'rinni egallagan 1 ta jamoa musobaqa bilan xayrlashadi. Uning o'rniga Pro liganing dastlabki ikki jamoasi Superliga yo'llanmasini qo'lga kiritadi. Yana 1 ta yo'llanma esa Superliganing 12-13 hamda Proliganing 3-4 jamoalari o'rtasida o'ynaladi. Bunda Proliganing 4-jamoasi uy o'tish o'yinida Superliganing 12-jamoasini, Pro liganing 3-jamoasi esa uy o'tish o'yinida Superliganing 13-jamoasini qabul qiladi. Har ikki bellashuv g'oliblari neytral maydonda Superliganing 16-ishtirokchisi nomiga oydinlik kiritadi.
Bundan ko'rish mumkinki, Superligada 12-o'rin bilan kifoyalangan jamoa ham 2025 yilgi mavsumni Pro ligada o'tkazishi, Pro liganing to'rtinchi jamoasi esa aksincha, Superliga yo'llanmasiga ega chiqishi mumkin. Muhimi, barchasi sport principlaridan kelib chiqib, amalga oshiriladi", - deb yoziladi PFL bayonotida.
Bosh sahifaga
721