Bonuchchi bir vaqtlar "Real"ga o'tishga yaqin kelganini aytdi

- "Real" qanday jamoa?

- Ularni tariflash uchun biror so'z yo'q. Balki, dunyoning eng yirik klubidir. Bir vaqtlar "Real"ga o'tishga yaqin kelgandim. Bu mening orzuim bo'lgandi. Ushbu klub orqali ko'plab insonlar chempion bo'lgan. Undan tashqari, ayni damda buyuk maestro Anchelotti jamoa bosh murabbiyi.

- Qachon "Real"ga o'tishga yaqin kelgansiz?

- O'shanda transferning amalga oshishi juda yaqin bo'lgandi. Bu 2017 yilning yozida "Real" Kardiffdagi finalda g'olib bo'lganidan keyin sodir bo'lgandi. Agentim va "Real" vakillari ishtirokidagi muzokaralar faol ketayotgandi. Biroq transfer amalga oshmay qoldi, chunki ular yoshroq himoyachi izlashni boshlashgandi, - dedi Bonuchchi.