Rasman: Superliga ishtirokchilari soni 16 taga etkaziladi
SHu jumladan O'zPFL ham bo'lajak mavsum reglamentiga ayrim o'zgartirishlar kiritmoqda. Quyida ayrim o'zgarishlarni keltirib o'tamiz:
1. 2024 yilgi mavsumda Superliga klublari 2001 yil va undan katta bo'lgan 23 nafar futbolchini O'zPFL ro'yxatidan o'tkazishi mumkin bo'ladi.
Malumot uchun, ortda qolgan 2023 yilgi mavsumda Superliga klubi 2000 yil va undan katta bo'lgan 20 nafar futbolchini ro'yxatdan o'tkaza olgan.
Klublar 2005 yil va undan kichik o'yinchilarni cheklovdan tashqari ro'yxatdan o'tkazishi mumkin. Bunda Superliga klubining umumiy futbolchilari soni 60 nafardan oshmasligi belgilangan.
O'zgarishlar orasida aynan mana shu band eng muhimi desak ham bo'ladi. Sababi, bu yilgi mavsum oxiriga kelib ham Superliga, ham OCHLda o'ynagan 4 klubimizning barchasida jarohatlar epidemiyasi yuzaga keldi. Yani, tig'iz taqvim sabab futbolchilar ketma-ket jarohatlarga yo'liqishdi. 23 va undan yoshi katta o'yinchilarni ro'yxatdan o'tkazish limiti 3 nafarga oshirilishi murabbiylarga (ayniqsa xalqaro maydonda harakat qiladiganlar) qo'shimcha qulaylik tug'diradi. Bunda ularda rotaciya qilish imkoni oshadi va bu jarohatlar sonini kamaytirishi mumkin.
2. Superligada 14-o'rinni egallagan jamoa Pro ligaga tushirib yuboriladi.
3. Superligada 12-o'rinni egallagan jamoa o'z joyini saqlab qolish uchun Pro liganing to'rtinchi jamoasiga qarshi safar o'yinida hamda Superligada 13-o'rinni egallagan jamoa Pro liganing uchinchi jamoasiga qarshi safarda maydonga tushadi. Mazkur ikki bellashuv g'oliblari Superliga o'ynash imkonini qo'lga kiritishadi. Ikkita mag'lub jamoa esa Superliganing oxirgi yo'llanmasi uchun neytral maydonda o'zaro bahs olib borishadi.
4. Pro ligada dastlabki ikki o'rinni egallagan jamoalar 2025 yilgi Superligaga to'g'ridan-to'g'ri yo'l oladi.
Bosh sahifaga
92