Xususan, 13-14 dekabr kunlari Qirg'iz Respublikasining O'sh shahrida sportning futzal turi bo'yicha 2009-2010 yillarda tug'ilgan bolalar o'rtasida xalqaro musobaqa o'tkazildi.
Unda O'zbekistondan Andijon shahar Olimpiya va milliy sport turlari bo'yicha davlat ixtisoslashtirilgan maktab-internati va Farg'ona viloyati futzal jamoalari ishtirok etdi.
Qiziqarli va murosasiz o'tgan mazkur musobaqada yakunda andijonlik yosh futzalchilar chempionlikni qo'lga kiritdi.
Murabbiy Ahrorbek Iminov boshchiligidagi Andijon shahar OMSTBDIMI-2009 jamoasi finalda Jalolobod jamoasi yoshlarini 6:0 hisobida mag'lub etdi.
Turnir tashkilotchilari andijonlik yoshlardan Nizomiddin Ziyoxiddinov bilan Asadullo Rahimovni o'z ampulasi bo'yicha eng yaxshilar qatorida alohida etirof etib, maxsus sovrin bilan taqdirladi.
Mazkur musobaqadan so'ng g'olib jamoa bosh murabbiyi Ahrorbek Iminovning fikrlari bilan qiziqdik.
- Albatta, mazkur musobaqa biz uchun juda ham foydali bo'ldi. O'tgan yili ham ushbu turnirda ishtirok etgandik. Musobaqa saviyasi yomon emas. Asosiysi, qo'l ostimizdagi yosh futbolchilarning xalqaro tajriba oshirishi hamda o'yin amaliyotiga ega bo'lishi edi. Bellashuvlar biz uchun oson o'tmadi. SHogirdlarimning harakatlaridan qoniqdim. Ular berilgan ko'rsatmalarni to'liq bajarishga harakat qildi. Yakunda musobaqa g'olibiga aylandik. Albatta, bu natija ham bizga qo'shimcha kuch bag'ishlaydi. Turnir tashkilotchilariga o'z minnatdorchiligimni bildiraman, dedi Iminov.
Bosh sahifaga
97