1976 yilgi qita chempionati dastlab Livanda o'tkazilishi rejalashtirilgandi, biroq jamoa musobaqada ishtirok etmasligini malum qildi. Turnir o'tkazilishi bekor qilinish xavfi ham paydo bo'ldi, biroq Eronda yakunda masuliyatni zimmasiga oldi. SHunday qilib, Eron ikkinchi bor musobaqani qabul qilgan dastlabki mamlakatga aylandi. Bu chempionat xuddi o'tgan chempionat kabi ikki guruhli va pley-off uchrashuvlaridan iborat bo'ldi.
Dastlab final bosqichida 8 ta terma jamoa ishtirok etishi rejalashtirilgandi. Biroq Saudiya Arabistoni, SHimoliy Koreya va Tailand final turnirida qatnashish huquqini qo'lga kiritgan bo'lsa ham musobaqada ishtirok etishdan bosh tortdi.
Hisob bo'yicha oltinchi Osiyo kubogida Eron, Xitoy, Iroq, Quvayt, Malayziya hamda Janubiy Yaman terma jamoalari qatnashishdi.
3–13 iyun kunlari o'tkazilgan musobaqaning o'yinlari Tabriz va Tehron shaharlarida joylashgan "Bag SHomal" (hozirgi "Taxti") va "Arya mehr" (hozirgi "Ozodi") stadionlarida bo'lib o'tdi.
Eron kuchli tarkibga ega bo'lganiga qaramay, musobaqa oldidan bir qancha o'zgarishlarga uchradi. Jumladan, jamoaning irlandiyalik bosh murabbiyi Frenk O’Farrell o'rniga Heshmat Mohajerani tayinlandi. SHuningdek, Ali Jabbori, Ibrohim Ashtiani singari tarkibdagi bir qancha etakchilar o'rniga yosh futbolchilar jalb etildi. SHuningdek, turli nizolar sababli termadan chetlashtirilgan bir qancha o'yinchilar qaytarildi.
Guruh bosqichida Iroqni 2:0, Janubiy Yamanni 8:0 hisobida dog'da qoldirgan mezbonlar yarim finalda qo'shimcha bo'limlarda Xitoy darvozasiga javobsiz ikkita to'p kiritishga muvaffaq bo'ldi.
3 iyun
Quvayt – Malayziya 2:0
Gollar: Al Anbari 10, Al Dohil 42
5 iyun
Xitoy – Malayziya 1:1
Gollar: Vang Jilian 58 – Dahari 50
7 iyun
Quvayt – Xitoy 1:0
Gollar: Kamol 1
# | “A”guruhi | O' | YU | D | M | T-N | O |
1 | Quvayt | 2 | 2 | 0 | 0 | 3-0 | 4 |
2 | Xitoy | 2 | 0 | 1 | 1 | 1-2 | 1 |
3 | Malayziya | 2 | 0 | 1 | 1 | 1-3 | 1 |
4 iyun
Eron – Iroq 2:0
Gollar: Nouraei 45, Roshan 58
6 iyun
Iroq – Janubiy Yaman 1:0
Gollar: Vaal 84
8 iyun
Eron – Janubiy Yaman 8:0
Gollar: Azizi 17, 73, Nouraei 40, 42, Xurshidi 45, Mazlumi 63, 74, 80
# | “B”guruhi | O' | YU | D | M | T-N | O |
1 | Eron | 2 | 2 | 0 | 0 | 10-0 | 4 |
2 | Iroq | 2 | 1 | 0 | 1 | 1-2 | 2 |
3 | Janubiy Yaman | 2 | 0 | 0 | 2 | 0-9 | 0 |
Yarim final
11 iyun
Quvayt – Iroq 3:2
Gollar: Ibrohim 11, Kamol 77, 100 – Abdul Jalil 46, Hassan 85
11 iyun
Eron – Xitoy 2:0
Gollar: Xurshidi 100, Roshan 119
Uchinchi o'rin uchun bahs
13 iyun
Iroq – Xitoy 0:1
Gol: Xe Jia 61
FINAL
13 iyun
Quvayt – Eron 0:1
Bosh hakam: Jan Dubach (SHveycariya)
Gollar: Ali Parvin 71
Finalda mezbonlar 112 ming tomoshabin ko'z o'ngida Kuvayt terma jamoasi bilan kuch sinashdi. Kuvayt kuchli jamoa hisoblanib, jamoani Braziliya bilan Meksikadagi jahon chempionatida g'olib chiqqan Mario Zagallo boshqarardi. Hatto jamoa Tabriz ob-havosiga moslashish maqsadida bu erga qolgan raqiblariga qaraganda ertaroq, yani musobaqa boshlanishidan bir hafta ilgari etib keldi.
O'z guruhida birinchi o'rinni egallab, yarim finalda Iroqni mag'lub etgan Kuvayt final uchrashuvi davomida raqib bilan tengma-teng harakat qilib, bazida ularni himoyalanishga majbur etgan bo'lsa-da, 71-daqiqada Ali Parvin tomonidan jarima zarbasidan kiritilgan to'p Eronga ketma-ket uchinchi chempionlikni keltirdi. Hozirga qadar hech bir davlat Osiyo kubogini ketma-ket uch marta qo'lga kiritmagan. Bu borada Eron mutlaq rekordchi hisoblanadi. Qolaversa, forslar turnir davomida o'z darvozasidan birorta to'p o'tkazib yubormadi. Biroq o'sha chempionatdan so'ng forslar chempion bo'lish tugul finalga ham chiqa olishmayapti.
Eron futbolchisi Ali Parvin turnirning eng yaxshi futbolchisi deb topilgan bo'lsa, G'ulom Hussayin Mazlumi (Eron), Nosir Nouraei va Fathi Kamol (Kuvayt) 3 tadan gol urib, to'purarlar qatoridan o'rin oldi. O'yindan so'ng jamoalar o'zaro libos almashib olishadi va eronliklar kubokni raqib libosi ostida boshi uzra yuqori ko'tarishadi.
Uchrashuvlar 80 daqiqa davom etgan ilk Osiyo kubogi tarixi hamda turnirning urushdan tashrif buyurgan g'olibi haqida hikoya qilamiz
Unutilgan va yo'qolgan kuboklar, soxta medallar hamda halok bo'lgan bolakay — ikkinchi Osiyo kubogi haqida hikoya qilamiz
Osiyo kubogi-1964. CHempioni OFK tarixidan tushib qolgan turnir haqida hikoya qilamiz
Osiyo kubogi-1968. Muammolar girdobidagi Eron "Oltin davr"ini chempionlik bilan boshladi
Osiyo kubogi-1972. Mezboni almashgan turnir omadli kunda o'ynagan jamoaning chempionligi bilan yakunlandi
Oqil Abdubarnoev tayyorladi.
Bosh sahifaga
234