Bunda har bir tur o'yinlari emas, peshqadamlar va qarama-qarshilik eng avjiga chiqadigan uchrashuvlar nazarda tutilayapti. Masalan, "Paxtakor" - "Navbahor", "Neftchi" - "Navbahor", "Nasaf" - "Paxtakor" kabi eng etibor o'zining eng yuqori cho'qqisiga chiqadigan katta to'qnashuvlar tanlab olinsa etarli.
Kuzatib borayotgan ko'pchilikning xabari bor, ortda qolgan mavsumda O'FA birinchi vice-prezidenti Ravshan Ermatov Farg'onaning "Neftchi" klubi muxlislari bilan uchrashuv o'tkazdi. O'sha uchrashuvda mavsumning so'ngi turiga to'g'ri kelib qolgan katta derbi - "Navbahor" - "Neftchi" uchrashuvida xorijlik hakamlar guruhi ishlashi vada qilindi. Ermatov vadasining ustidan chiqdi, o'sha o'yinda saudiyalik hakamlar guruhi ishladi. Amalga oshirsa bo'ladigan jarayon ekan, ortda qolgan mavsum nazdidan Namanganda o'tgan vodiy derbisi misolida bunga barchamiz guvoh bo'ldik.
Keling, ushbu taklif o'rinsiz bo'lib qolmasligi uchun sarflanadigan harajatlarning taxminiy smetasini ko'rib chiqamiz. Aytaylik, bitta tur o'yiniga xorijdan 3 nafar hakamlar guruhini taklif etdik, bosh hakam va qanot hakamlari. VAR, AVAR, nazoratchi va zaxira hakamlari o'zimizdan tayinlansa ham bo'laveradi. 3 nafar hakamlarning bitta o'yin uchun O'zbekistonga kelib-ketishini taxminan 60 million so'm deb olamiz. Superligamizda nechta tur bor, 26 tami? 26 ta turdan 10 ta markaziy maqomdagi katta to'qnashuvlarni ajratib olsak, butun mavsum davomida xorijlik hakamlar uchun sarflanadigan harajat 600 ming so'mni tashkil etadi. Takidlash joiz, ushbu hisob-kitob taxminiy olindi, balki bundan bir oz ko'p, yoki kam bo'lishi ham mumkin. CHunki "Navbahor" - "Neftchi" uchrashuvida ishlagan hakamlar uchun sarflangan summalar hech qaerda ochiqlanmadi.
Endi siz hozir menga bermoqchi bo'lgan savolingizga javob beraman. Xo'p, xorijlik hakamlar guruhini Superligamizning ayrim uchrashuvlariga taklif etdik, bundan bizga nima naf? Tushuntiraman, birinchi navbatda o'sha o'yinlar orqali o'z oldiga katta maqsadlarni qo'ygan yosh hakamlarimiz uchun tajriba maktabi bo'ladi. Ikkinchi navbatdagi esa, meni shu taklifni yozishga undagan asosiysi, o'yindan keyin ijtimoiy tarmoqlarda yangrayotgan fikrlarni oila davrasida ham eshitsa yoki o'qisa bo'ladi.
Hakamlar markazi xorijlik hakamlar uchun sarflanadigan mablag'ni marketing yo'li bilan topsa bo'ladi. CHunki, hozirga kelib Superligamizdagi "prosmotr" har qanday tadbirkorni ham qiziqtira oladigan darajaga etdi. Bo'lib ham eng markaziy maqomdagi o'yinlarga reklama joylashtirish taklifi rad etadigan topilmasa ham kerak. O'zPFLda marketing bo'yicha adashmasam Abbos Ahrorov ishlaydi, bu kabi ishlarda etarlicha malaka va tajribaga ega bo'lgan mutaxassis. Siz unga shu topshiriqni bering va ertasi kuni qabulingizga bir nechta variantlar bilan kiradi.
Qadrli muxlis, sizda bu borada qanday qo'shimcha fikrlar bor? Takliflaringizni izoxlarda yozib qoldiring.
P.S. Yuqoridagi taklif va fikrlar muallifning o'ta shaxsiy qarashlari asosida yozildi.
Bekzod Tolibov
Bosh sahifaga
216