"Bu turnirdagi g'alaba haqida gapirishdan oldin biz final yo'llanmasini qo'lga kiritishimiz kerak. Finalga munosib ekkanligimizni isbotlashimiz lozim", - deya gap boshladi maestro.
- Bu mening Klublar o'rtasidagi Jahon chempionatidagi to'rtinchi ishtirokim. Oldingi musobaqalarda yarim final o'yinlari juda qiyin o'tgan. Har safar turli qiyinchiliklar yuzaga kelgan.
Biz bu musobaqada g'alaba qozonishni istaymiz. Hali bu titulni qo'lga kiritmaganmiz. Modomiki shu erda ekanmiz, bu musobaqada g'olib chiqishimiz kerak. Biz kichik doirani aynan shu titul bilan yopib qo'ymoqchimiz. Klublar o'rtasidagi Jahon chempionati biz qo'lga kiritmagan oxirgi sovrin.
Bu turnirni APL bilan solishtirmagan maqul. Bu boshqa tipdagi musobaqa. Bu erda nima sodir bo'lmasin, biz Angliyaga qaytib, "Everton", "SHeffild" va "Nyukasl"ga qarshi boshqacha o'yin o'tkazamiz.
"Aston Villa" bilan o'yindan tashqari qolgan uchrashuvlarda yaxshi harakat qilgandik. Lekin bazi faktorlar sabab bu o'yinlarda ochkolarni boy berdik. "Urava"ga qarshi o'yinda ishtiyoqimizni tiklay olamiz.
Mahrez va Laportlar bilan ko'rishib qolsak, ularning tajribasini eshitish qiziqarli bo'lardi.
Saudiya Arabistoni yulduz o'yinchilarni mamlakatga olib kelish uchun juda katta mablag' sarfladi. Saudiya Arabistonida qancha muxlis borligini oldingi tajribamdan yaxshi bilaman.
Yangi talqindagi Jahon chempionati haqidagi fikrim? Men hech qachon yangi turnirlarga qarshi bo'lmaganman. Men doim takidlagan narsa bu futbolchilarning tiklanishi uchun etarli muddat berilmayotgani. Har doim aynan shu narsani istaganman. Futbolchilarga etarli sharoit yaratilishi kerak. Mavsumlar oralig'ida bizda tiklanish uchun bor yo'g'i 3 hafta vaqt bo'ladi, xolos. Bu esa kam", - deydi Pep Gvardiola.
Bosh sahifaga
283