Mazkur natija futbol klubiga "Birinchi ligaga o'tish turniri" Farg'ona viloyati nomidan ishtirok huquqini berdi.
SHu yilning 4-12 dekabr kunlari Surxondaryo viloyatida bo'lib o'tgan "Birinchi ligaga o'tish turniri"da universitet futbol klubi musobaqaning 3-o'rini sohibi bo'ldi va o'z tarixida ilk bor Birinchi liga yo'llanmasiga ega chiqdi.
SHu munosabat bilan bugun Farg'ona davlat universiteting anjumanlar zalida klub vakillarini taqdirlash marosimi tashkil etildi. Marosimda so'zga chiqqan rasmiylar universitet futbol klubiga kelgusida ham omad va zafarlar yor bo'lishiga tilak bildirdilar. Xususan, Farg'ona davlat universiteti birinchi prorektori Zokirjon Rahimov "FarDU" klubining Birinchi ligadagi ishtirokini professional klublarga xos tarzda taminlash borasida rahbariyat tomonidan barcha zaruriy sharoitlar yaratib berilishini aytib o'tdi. Marosim davomida jamoa azolariga medallar va esdalik sovg'alari topshirildi.
Takidlash joiz, futbol klubi asosan talaba-yoshlardan shakllantirilgan. SHuningdek, jamoa tarkibida Otabek Zokirov, Hamidullo Abduhamidov, Riza Ayvazov, Alisher Pahrutdinov, Elyor Mamasoliev, Asilbek G'oyibjonov kabi taniqli nomlar ham bor. SHuningdek, jamoa bosh murabbiyi Farg'onaning "Neftchi" klubi afsonasi, "O'zbekistonda xizmat ko'rsatgan sportchi" unvoni sohibi Sergey Lebedev hisoblanadi.
Bekzod Tolibov, Farg'onadan Championat.asia uchun maxsus
Bosh sahifaga
186