"Nicca" — "Lans" 2:0
Gol: Terem Moffi (76, 78)
"Nicca": Bulka Marcin, Lotomba Jordan, Mendi Antuan, Dante Bonfim, Bar Melven, Sanson Morgan, Budaui Xishem, Rosario Pablo, Labord Gaetan, Gessan Evann, Boga Jeremi
"Lans": Samba Bris, Abduqodir Husanov, Aydara Massadio, Medina Fakundo, Agilar Ruben, Abdul-Samed Salis, El Aynaui Neyl, Frankovski Pshemislav, Kosta David, Said Uesli, Sotoka Florian
MATNLI TRANSLYACIYA
YANGILASH
Uchrashuv yakunlandi.
90+6. Xavfli vaziyat! Darvozabon boshlagan hujum "Nicca" hujumchisining zarbasi bilan yakunlandi, to'p darvoza to'siniga tegib, maydon tashqarisiga chiqib ketdi.
90+3. Mehmonlar ketma-ket hujumlar uyushtirib, vaziyatni o'nglashga harakat qilmoqda, ammo ularning urinishlari samarasiz yakunlanmoqda.
90. Ikkinchi bo'limga 7 daqiqa qo'shib berildi.
82. "Lans" tarkibida yana ikki o'zgarish amalga oshirildi. Husanov uchrashuv so'ngiga qadar maydonda qoladi.
78. GOL! Hali birinchi goldan o'ziga kelib ulgurmagan "Lans" ikkinchisini qabul qilib oldi. Boganing tezkorligi natijasida markazda ochiq turgan Moffi uning uzatmasini bosh bilan raqib darvozasiga joylab qo'ydi. Yaqindagina maydonga tushgan nigeriyalik hujumchi bir necha daqiqa ichida dubl qayd etdi.
76. GOL! Terem Moffi penaltini aniq amalga oshirib, "Nicca"ni hisobda oldinga olib chiqdi.
75. "Lans" darvozasi tomon penalti belgilandi. O'ng qanotdan raqib jarima maydoniga kirib borayotgan Gessan Abdul Samad tomonidan yiqitildi.
71. "Lans"da uchta o'zgarish yuz berdi. Husanov maydonda qoldi.
72. Yana Enaui to'xtatib qolindi. Bu orada "Lans" tarkibida birato'la uch o'zgarish sodir bo'lish arafasida turibdi.
63. Enauiga nisbatan "Nicca" jarima maydoni yaqinida qo'pollik ishlatildi. Mehmonlarda standart vaziyat yuzaga keldi.
58. Husanov raqib futbolchisining chap oyoqda yo'llagan zarbasiga blok qo'ydi va raqibning yana bir vaziyatini chippakka chiqardi.
57. ZARBA! Koshtaning jarimadan yo'llagan zarbasi dastlab darvoza ustani, so'ngra raqib posboniga tegib, darvoza to'ridan o'rin olishi mumkin edi. Ammo "Nicca" darvozaboni so'nggi lahzada hushyorlikni yo'qotmadi.
55. Boga yana chap qanotdan xavf yaratib, jarima maydoniga yorib kirdi va markaz tomon pas berdi. Mehmonlar baxtiga zarba yo'llaydigan o'y inchi topilmadi.
53. Xavfli vaziyat! "Nicca"ning chap qanotdan boshlangan hujumi markazga ko'chdi. Yaqin masofadan bosh bilan yo'llangan zarba esa to'ppa-to'g'ri "Lans" posboniga borib tushdi.
51. Mezbonlarning hujumi zarba bilan yakunlandi, ammo Samba uchun qiyinchilik tug'dirmadi.
46. Ikkinchi bo'lim boshlandi. "Lans" futbolchilari ilk hujumdayoq raqibni sarosimaga solib qo'ydi. Markazdan boshlangan hujum Kostaning zarbasi bilan yakunlandi, ammo raqib himoyachisi o'z vaqtida to'p yo'liga to'g'anoq bo'ldi.
Birinchi bo'lim yakunlandi.
45+2. Husanov jamoasini yana bir goldan asrab qoldi! "Nicca" futbolchisining 3-4 metr masofadan yo'llagan zarbasiga o'zbekistonlik himoyachi to'g'anoq bo'ldi.
45. Birinchi bo'limga 5 daqiqa qo'shib berildi.
44. "Nicca"da standart vaziyat yuzaga keldi. Jamrimadan uzatilgan to'pni "Lans" himoyachilari bartaraf etishdi.
37. GOL! Sotoka raqib jarima maydonida ichida sherigidan ajoyib uzatma qabul qilib oldi va raqib darvozasini ishg'ol qildi, biroq hakam o'yindan tashqari holatni qayd etdi.
31. Xavfli vaziyat! Mezbonlar qisqa uzatmalar orqali raqib jarima maydoniga kirib bordi va zarba yo'lladi. Samba yana ishonchli harakat qilib, to'pni egallab oldi.
28. Xavfli vaziyat! Said sherigi oshirgan to'p uchun kurash olib bordi va raqib jarima maydoni ichida chap oyoqda zarba yo'lladi, birov uning urinishi ko'ngildagidek chiqmadi.
25. Maydon markazida Sotokaga nisbatan jiddiy qo'pollik ishlatgani uchun Sotoka hakam tomonidan ogohlantirildi.
23. Husanov raqib hujumchisidan to'pni olib qo'ydi, raqib esa unga nisbatan qoidabuzarlik sodir etdi.
22. Frankovskining uzoqdan yo'llagan kuchli zarbasi "Nicca" himoyachisiga tegib maydonni tark etdi. Mehmonlar standart vaziyatga ega chiqishdi.
16. Husanov Budauining kuchli zarbasi yo'liga to'g'anoq bo'ldi va jamoasini muqarrar goldan saqlab qoldi.
13. "Lans" burchak to'pi ishlab oldi. Kostaning uzatmasini raqib posboni qaytardi.
10. Burchak zarbasildan so'ng Dante "Lans" darvozasi tomon bosh bilan xavfli zarba yo'lladi. Biroq Samba xotirjamlik bilan to'pni egallab oldi.
9. "Lans" futbolchilarida xavfli vaziyat yuzaga keldi. CHap qanotdan oshirilgan to'pga markazdagi hujumchi etib kela olmadi.
6. Uchrashuv davom ettirildi.
2. Maydonda muxlislar tomonidan mushakbozlik uyushtirilgani uchun dastlabki daqiqadayoq hakam tomonidan o'yin to'xtatildi.
1. Uchrashuv boshlandi.
Bosh sahifaga
153