Birinchi navbatda barchaga Assalomu alaykum. Ushbu jamoaga meni Muxsinjon aka Nizomiddinov taklif qildilar. Ushbu taklifdan juda xursandman.
O'tgan mavsum haqida...
O'tgan mavsum men uchun juda zo'r o'tdi deb aytmagan bo'lardim, biroq yomon ham bo'lmadi. Sobiq jamoam Pro ligada debyut qilgan bo'lishga qaramasdan, biz musobaqani TOP-5da yakunlashimizga kuchimiz etardi. Biroq ayrim o'yinlarda o'zimiz tayyor g'alabalarni qo'ldan chiqardik. Ayrim o'yinlarda esa omad bizga boqmadi. Menimcha, “Yunired” birinchi mavsum uchun yaxshi ishtirok etdi. Biz kuchli jamoalarga ancha jiddiy qarshilik ko'rsatdik. Xudo xohlasa, “Qo'qon-1912" jamoasiga o'tishim faoliyatimdagi yangi bosqich va omadli bosqich bo'ladi deb umid qilaman.
Uzoq masofadan zarba yo'llashni alohida mashq qilaman.
Yoshligimdan Ronalduning muxlisiman va uning zarba berish uslubiga qiziqaman. SHuning uchun ham bir mashg'ulotdan so'ng alohida zarbalar ustida ishlayman. Biroq birinchi navbatda barchasi yaratgandan.
Maqsadlarim!
Inshoolloh yangi yildan umidlarim katta. “Qo'qon-1912» jamoasiga tezda moslashib, jamoa bilan oldimizga qo'ygan vazifani, yani Superliga yo'llanmasini qo'lga kiritishga harakat qilamiz. Xudo xohlasa, ushbu maqsadga yangi jamoam bilan erishamiz.
Bosh sahifaga
1129