- Klublar o'rtasidagi Jahon chempionatida g'oliblik sen uchun nimani anglatadi?
- "Manchester Siti" o'z tarixida birinchi bor ushbu musobaqada ishtirok etmoqda. Bu titul biz uchun ko'p narsa degani. Trebldan so'ng ushbu sovrin biz uchun yakunlovchi qism bo'lib xizmat qiladi.
- "Man Siti" himoya chizig'i avvalgidek emas, degan fikrga qanday qaraysiz?
- Bilmadim, himoya chizig'imizda o'zgarishlar bo'ldi. Ertaga g'alaba qozonamiz deb o'ylayman.
- "Manchester Siti" ertaga g'alaba qozonadigan bo'lsa, bu faoliyatingdagi eng zo'r onlar bo'ladimi?
- Bunga amin emasman. Sababi, faoliyatim davomida juda ajoyib onlarni o'tkazganman. Trebl qayd etganimizda his qilgan tuyg'ularimni tasvirlab bera olmayman. Bu musobaqa, albatta, biz uchun muhim, ammo faoliyatimdagi eng zo'r on bo'lishiga amin emasman. Katta sovrin bo'lishi aniq.
- Yarim final o'yinida juda stadionda ko'p insonlar "Man Siti"ga muxlislik qilishdi. SHu haqida fikring...
- Bu ajoyib bo'ldi. Muxlislarning qo'llab-quvvatlashi ajoyib his. Albatta, g'alaba qozonishda davom etsak, biz yanada ko'proq muxlis orttiramiz. Stadionga kelgan barchaga rahmat aytamiz.
- APL va bu musobaqaning farqi haqida gapirsangiz?
- Angliya chempionati boshqacha musobaqa. "Luton"ga hurmat saqlagan holda aytamanki, masalan shu jamoa bilan o'yinda ham osonlikcha g'alaba qozonmaymiz. Klublar o'rtasidagi Jahon chempionatida esa har bir qitaning eng kuchli jamoalari harakat qilishmoqda. Har bir qitaning o'yin uslubini his qilib ko'rmoqdamiz.
Jalolxon Inog'omxo'jaev yozib oldi, Zoir Tursunboev surati.
Bosh sahifaga
266