"Bilolxon Toshmirzaev "Neftchi"ning mahoratli o'yinchilaridan biri. 2023 yil mavsumida u qator masuliyatli uchrashuvlarda hujumkor o'yin ko'rsatib, jamoa g'alabalariga munosib hissa qo'shib kelayotganligi bois muxlislar va murabbiylar ishonchini qozongan. Bilolxon o'z mahoratini 2024 yilgi mavsumda ham shu jamoada davom ettirishga qaror qilib, shartnoma muddatini uzaytirishga imzo chekdi.
"Neftchi"da yangi jamoani shakllantirish ishlari davom etmoqda. Bugun shu erda jismoniy tarbiya bo'yicha murabbiy bo'lib ishlayotgan Anvarjon Norqulov, darvozabonlar murabbiyi Farruh Berdievlar o'z faoliyatini 2024 yilda ham "Neftchi"da davom ettirishga qaror qilganligini aytib, shartnomaga imzo chekdilar.
Ularga yangi mavsumda kuch-quvvat, omad va yangi muvaffaqiyatlar tilaymiz", — deyiladi klub xabarida.
Eslatib o'tamiz, "Neftchi" o'tgan mavsum O'zbekiston chempionatini 5-o'rinda yakunladi.
Bosh sahifaga
945