Saytimiz muxbiri mazkur chatda qatnashib, bosh murabbiyning fikrlaridan bir nechta iqtiboslarni yozib oldi. Quyida ushbu iqtiboslarning ayrimlari keltirib o'tilmoqda.
- "Dinamo" bilan o'yinda asosan yoshlar jamoalarimiz tarkibidan jalb etilgan yosh futbolchilarni ko'rikdan o'tkazdik.
- Mamasidiqov "Navbahor" tarkibiga qo'shilgani haqida o'qidim. Jaloliddinov hozirda "Olimpik" yig'inida ishtirok etayapti.
- Biz hozir darajasi yuqori bo'lgan, sifatli futbol namoyish etadigan yana bir hujumchi varianti ustida ishlayapmiz.
- Har bir chiziqqa bo'ydor futbolchilar bilan ham to'ldirish maqsadimiz bor. Himoya, yarim himoya va hujumda bo'ydor futbolchilar bo'ladi albatta. Biz hozir o'rganayapmiz, taklif etilgan futbolchi bizning o'yin falsafamizga ham tushishi kerak.
- Rustam Yatimovga xorij klublaridan qiziqish bo'lgan. Rossiya chempionatidan "Rostov" taklif yuborgan. "Istiqlol" darvozabon uchun anchagina katta to'lov so'ramoqda.
- Biz hozir o'z qarashlarimizga mos kelgan mahoratli darvozabon bilan muzokara o'tkazayapmiz. Kelishuvga erishsak, jamoamiz safiga qo'shiladi. Bu darvozabon Yatimov emasligi aniq.
- Manuchehr Safarov xalqaro o'yinlar tajribasiga ega futbolchi. U farg'onalik muxlislarga har o'yinda quvonch taqdim etishiga umid qilayapmiz.
- Bizga taklif etilgan futbolchini jamoa murabbiylar shtabi tomonidan o'rganib chiqiladi. Har tomonlama o'ylab ko'rib, keyin qaror chiqaramiz va rahbariyatga taklif kiritamiz.
- Eng yaxshi murabbiy tanlovi butun jamoaniki. Xususan, farg'onalik muxlislarning ham ushbu etirofda alohida hissasi bor.
Bekzod Tolibov yozib oldi
Bosh sahifaga
426