Bugun Namangan viloyati hokimi, viloyat futbol associaciyasi prezidenti SHavkatjon SHokirjanovich Abdurazzoqov tashabbuslari bilan “Navbahor” PFK va “Markaziy” o'yingoh ishchi-xodimlari, shuningdek, klub vice-prezidenti Otabek Samatov boshchiligidagi “Navbahor” PFK xodimlari, jamoamiz futbolchilari – Abrorbek Ismoilov, Asadbek Jo'raboev va Davronbek Olimjonov, shuningdek, “Navbahor” Muxlislar raisi Muxtor Yusubbaevlar bilan birgalikda Namangan shahar, Davlatobod tumanida joylashgan Tug'ma nogironligi bor bolalar uyiga borib, ushbu dargoh ishchi-xodimlari va tarbiyalanuvchilari, bundan tashqari, Namangan shahar, Davlatobod tumanidagi “Saxovat” keksalar va nogironligi bo'lgan shaxslar uchun internat uyiga borib, u erdagi ishchi-xodimlar va keksalar hamda nogironligi bo'lgan shaxslarga yangi yil sovg'alarini topshirishdi.
Bundan xursand bo'lgan yuqorida nomi keltirilgan dargohlar xodimlari, keksalar va nogironligi bo'lgan shaxslar “Navbahor”ning shunday yuksak darajaga etishi, zafarlariga o'zining ulkan hissasini qo'shgan viloyatimiz rahbari SHavkatjon SHokirjonovich Abdurazzoqov, bundan tashqari, “Navbahor” klubi rahbariyati, ishchi-xodimlari, jamoamiz murabbiylar shtabi va futbolchilarini duo qilib, yangi mavsum musobaqalarida “Navbahor”ga omad yor bo'lib, chempionlik unvonini qo'lga kiritishiga tilak bildirishdi.
SHuningdek, jamoaning ashaddiy va fidoyi muxlislari Oybek Islomjonov hamda Hasanboy Marupovlar ham yo'qlanib, ularga ham yangi yil sovg'alari topshirildi.
Ushbu tashrifdan mazkur ikki nafar muxlis hamda ularning oila azolari ham xursand bo'lib, “Navbahor”ning zafarlariga ulkan hissa qo'shayotgan Namangan viloyati hokimi SHavkatjon Abdurazzoqov, shuningdek, “Navbahor” klubi rahbariyati, ishchi-xodimlari, murabbiylar shtabi va futbolchilarini duo qilib, yangi mavsum musobaqalarida “Navbahor”ga zafarlar yor bo'lishini tilashdi.
Bir so'z bilan aytganda, yangi yil arafasida viloyatimiz rahbari SHavkatjon Abdurazzoqovning tashabbusi bilan keksalar hamda nogironligi bor bo'lgan shaxslarga xursandchilik ulashildi.
“Navbahor” PFK matbuot xizmati.
Bosh sahifaga
87